Beeline алоқа оператори Beeline Club бонусли дастурининг барча иштирокчилари учун Be on line лойиҳасининг биринчи ўйинини ўтказади. 30 май куни соат 20:00 да «Ўзбегим таронаси» радиосининг жонли эфирида Samsung Galaxy S3 мини смартфони ва бошқа бонусли совғалар биринчи марта ўйналади. Бу ҳақда Beeline матбуот хизмати хабар берди.
Радиодаги жонли эфирда ҳафталик ўйин вақтида рақамлари мос тушган абонентлар қуйидаги совғаларни қўлга киритиши мумкин:
- тўртта рақам мос келса – Beeline Club’дан 1000 балл совға;
- бешта рақам – олти ойга 5000 SMS;
- олти рақам – олти ойга 5000 Мб интернет;
- етти рақам – Samsung Galaxy S3 мини смартфони.
Йил сўнгида Beeline супер совринлар — 14 та Samsung Galaxy Note планшети қўйилган якуний ўйинни ўтказади. Унда аввалги ўйинларда бир маротаба бўлса ҳам иштирок этган ва ғолибни аниқлаш вақтида актив бўлган барча абонентлар қатнашиши мумкин бўлади.
Акция 2014 йилнинг 26 декабрига қадар амал қилади.
Изоҳ (0)