27 майга ўтар кечаси Тошкент марказида Миробод бозори атрофидаги ҳудудда ўнлаб автомобиллардан рақам белгилари ўғирлаб кетилди. Бу ҳақда Gazeta.uz мухбири воқеа жойидан маълум қилди.
Ёвуз ниядаги кишилар нафақат жисмоний, балки юридик шахсларга, жумладан дипломатик ваколатхоналарга тегишли бўлган йигирмадан ортиқ автомобиллардаги рақамларни ечиб кетишган.
Сешанба куни ҳодиса жойида терговчилар иш олиб борди. Ўғриларнинг шахси ва мақсадлари ҳозича аниқлангани йўқ.
Жабрланганлардан бирининг нашрга маълум қилишича, ярим тунда автомобилидаги сигнализация ишлаб кетган, бироқ у ойнадан қараб, машина яқинида ҳеч кимни кўрмаган.
Изоҳ (0)