«Лукойл» 2016 йилгача Қашқадарёдаги Жануби-Ғарбий Ҳисор конларини жиҳозлаб бўлади

«Лукойл» 2016 йилда Қашқадарё вилоятидаги Жануби-Ғарбий Ҳисор газ конденсати конини жиҳозлаш ишларини якунлайди. Бу ҳақда «Новый век» нашри хабар берди.

Компания ҳужжатларида таъкидланишича, асосий объектлар 2016 йилда ишга туширилади. Инвестициялар ҳажми 1 миллиард доллардан ортиқни ташкил этади. Газ қазиб олишнинг энг юқори даражаси эса йилига 4,8 миллиард кубометрга тенг бўлади.

«Жануби-Ғарбий Ҳисор» лойиҳаси бўйича табиий газ ишлаб чиқариш 2011 йил декабрида бошланган. У Жарқудуқ—Янги Қизилча блокидаги энг йирик конда йилига 1,1 миллиард кубометр газ қазиб чиқариш қуввати билан ишга тушган.