PhoneArena мутахассислари энг оммабоп смартфонлар аккумуляторларининг яшовчанлик хусусиятини ўрганиб чиқди. Улар орасида iPhone 5s ва Galaxy S5 қурилмалари ҳам бор. Бу ҳақда mobinfo.uz хабар берди.
Синов натижаларига кўра, 2800 миллиампер/соат ҳажмидаги Galaxy S5 аккумулятори кўпчилик рақибларини ортда қолдирди. Жумладан, бир марта қувват олгандан сўнг бўладиган телефон суҳбати давомийлиги бўйича энг паст кўрсаткичга эга бўлган iPhone 5s’дан уч марта ўзиб кетди. Бу борада LG G2 ва Galaxy Note 3 унга тенг келди; Xperia Z1 ва Nexus 5 эса улардан анча ортда қолди.Интернетда ишлаш чоғида аккумуляторнинг чидамлилиги бўйича эса iPhone 5s энг юқори кўрсаткич қайд этди. Galaxy S5 ва LG G2 бу борада унга жуда яқин келди. Қолган учта қурилма улардан деярли ярим баробар ортда қолди.