AQSH Davlat departamenti matbuot kotibi Temmi Bryus G‘azodagi gumanitar yordam punktiga uyushtirilgan hujumda HAMASni aybladi. Bu haqda Anadolu xabar berdi.
Bryus X ijtimoiy tarmog‘ida G‘azo gumanitar jamg‘armasiga qilingan hujumda Isroilning emas, balki HAMASning qo‘li borligini ta’kidlagan. Hujum oqibatida AQSHning ikki nafar harbiysi ham jarohatlangan.
“G‘azo aholisiga yordam yetkazib berayotgan odamlarga nisbatan bu zo‘ravonlik HAMASning ma’naviy tanazzulini ko‘rsatadi”, dedi Davlat departamenti vakili.
Shuningdek, “bu fidoyi yordamchilarni hech qanday kuch to‘xtata olmasligi” qo‘shimcha qilingan.
Isroil kuchlari 6-iyun kuni G‘azo shahridagi uyni bombardimon qilib, kamida 12 kishining hayotiga zomin bo‘lgan. Yahudiy davlatining anklav bo‘ylab hujumlari oqibatida kamida 27 kishi halok bo‘lgan.
HAMAS, o‘z navbatida, Isroilning G‘azodagi keng miqyosli hujumlarini qoralagan. Xususan, bu mamlakat bosh vaziri Binyamin Netanyaxu hukumatining sektorda genotsidni davom ettirayotganining isbotiligi aytilgan.
BMTning Inson huquqlari bo‘yicha Oliy komissari boshqarmasi vakili Ravina Shamdasani 4-iyul kuni so‘nggi bir oy ichida G‘azodagi yordam punktlari yaqinida 613 falastinlik halok bo‘lganini, ulardan 509 nafari AQSH va Isroil tomonidan moliyalashtirilgan G‘azo gumanitar jamg‘armasi yordam tarqatayotgan hududada bo‘lganini ma’lum qilgandi.
Izoh (0)