Mask Tramp saylov kampaniyasi davomida giyohvand moddalar iste’mol qilgani haqidagi mish-mishlarni rad etdi.
AQSH hukumati samaradorlik departamenti (DOGE) boshlig‘i, milliarder Ilon Mask Donald Trampning saylov kampaniyasi paytida tez-tez giyohvand moddalar iste’mol qilgani haqida The New York Times xabar qilgandi.
“Men giyohvand moddalar iste’mol qilmayman! New York Times ochiqchasiga yolg‘on gapiryapti”, deb yozgan Mask X’dagi sahifasida.
U bir necha yil oldin retsept bo‘yicha ketamin qabul qilgani va bu haqda ijtimoiy tarmoqlarda ham yozib qoldirganini, bu yangilik emasligini bildirgan. Shundan beri boshqa qabul qilmaganini qayd aytib o‘tgan.
Ketamin asosan narkoz va og‘riqni qoldirish uchun ishlatiladigan kuchli dori vositasidir.
29-may kuni Ilon Mask davlat AQSH hukumati samaradorlik departamenti rahbari lavozimini tark etayotganini e’lon qildi. Uning DOGE rahbari sifatidagi faoliyati minglab ishdan bo‘shatish, davlat idoralari va dasturlarini tugatishni o‘z ichiga olgandi.
Izoh (0)