10–12-iyun kunlari poytaxtimizda o‘tgan IV Toshkent Xalqaro Investitsiya Forumi (TIIF 2025) doirasida “Mikrokreditbank” ATB xalqaro miqyosdagi bir qator nufuzli moliya muassasalari va kompaniyalar bilan samarali muzokaralar olib bordi.
Jumladan, Xitoy Xalq Respublikasining Buyuk Britaniyadagi filiali — ICBC Standard Bank Plc bilan 15 million Yevro miqdorida depozit jalb qilish bo‘yicha shartnoma imzolandi.
Shuningdek, Mashreq Bank (BAA) bilan ham o‘zaro anglashuv memorandumi (MoU) imzolandi. Unga ko‘ra, bank xalqaro moliya bozori orqali 30 million AQSH dollari miqdorida to‘g‘ridan-to‘g‘ri kredit liniyasini jalb qilish yuzasidan kelishuvga erishdi.
Yana bir O‘zaro anglashuv memorandumi (Memorandum of Understanding (MoU) AQShning SEAF (Small Enterprise Assistance Funds) fondi tomonidan boshqariladigan O'zbekiston Iqtisodiy Imkoniyatlarni Kengaytirish Jamg'armasi (Economic Empowerment Fund for Uzbekistan (EEFU) bilan O‘zaro anglashuv memorandumi imzolandi va 25 mln. AQSH dollari miqdorida mablag‘ jalb qilishga kelishib olindi.
Ta’kidlash kerakki, SEAF kichik korxonalarni qo‘llab-quvvatlovchi investitsiya jamg‘armasi bo‘lib, O‘zbekistonda islom moliyalashtirish yo‘nalishida kichik va o‘rta biznes korxonalarini qo‘llab-quvvatlash uchun to‘g‘ridan-to‘g‘ri kredit liniyalarini jalb qilishga ko‘maklashadi.
Bu kelishuvlar Mikrokreditbankning xalqaro maydondagi nufuzi oshib borayotganini, investorlar ishonchini qozonayotganini va mamlakat iqtisodiyoti rivojiga qo‘shilayotgan hissasini yana bir bor tasdiqlaydi.
Reklama huquqi asosida
Izoh (0)