Buxoroda saksovul kushandalariga qariyb 40 million so‘m jarima belgilandi, deb xabar berdi Ekologiya, atrof-muhitni muhofaza qilish va iqlim o‘zgarishi vazirligi xabar berdi.
Maʼlum qilinishicha, Buxoro viloyatida o‘tkazilgan reyd davomida Romitan va Olot tumanlari cho‘l hududlaridan saksovul o‘simliklari sindirib olib ketilayotganligi aniqlandi.
Holat yuzasidan Maʼmuriy javobgarlik to‘g‘risidagi kodeksning 79-moddasi 1-qismi (daraxtlarni, butalarni, boshqa o‘simliklarni va nihollarni qonunga xilof ravishda kesish, kundakov qilish, shikastlantirish, yo‘q qilish yoki boshqa joyga ko‘chirib o‘tkazish) bilan maʼmuriy bayonnoma rasmiylashtirildi.
Romitan tumani hududida aniqlangan huquqbuzarlik bo‘yicha 2 kiishga 18 mln 750 ming so‘m jarima belgilandi hamda tabiatga 6 mln 195 ming so‘m zarar yetkazilgan (jami 24 million 945 ming so‘m).
Olot tumanida esa fuqaro M.A. ga 9 mln 375 ming so‘m jarima qo‘llanildi hamda tabiatga 5 mln 250 ming so‘m zarar yetkazilganligi aniqlandi (jami 14 million 625 ming so‘m).
Buxorodagi saksovul o‘g‘rilari
Sentyabr oyida Buxoro viloyati Jondor tumanida saksovul butalarini sindirgan fuqaroga jarima qo‘llanilgan edi. Fuqaroga nisbatan 9 452 000 so‘m jarima hamda tabiatga yetkazilgan zarar qo‘llanilgandi.
Shuningdek, Buxoro viloyatida sentyabr—oktyabr oylari davomida saksovul bilan bog‘liq 25 ta huquqbuzarlik aniqlangani haqida xabar berilgandi.
Mazkur davrda 25 ta holatda tabiatga 29 million 702 ming 400 so‘m zarar yetkazilgani hisoblangan va 222 million 900 ming so‘m jarima tayinlangan. Huquqbuzarlar jami 252 million 602 ming 400 so‘m tovon to‘lashlari belgilangan.
Izoh (0)