“Turkiya yangi dunyo tartibining markazida bo‘lishi kerak” — Erdo‘g‘on

Turkiya yangi dunyo tartibining markazida bo‘lishi kerak. Bu haqda mamlakat prezidenti Rajab Toyyib Erdo‘g‘onning nutqiga tayanib, Anadolu xabar berdi.

Erdo‘g‘onning so‘zlariga ko‘ra, mamlakat o‘zgaruvchan global siyosiy va iqtisodiy arxitekturaning barcha imkoniyatlaridan foydalanishi kerak. U Turkiya avvalgidek davlat emasligini qo‘shimcha qilgan.

“Ommaviy axborot vositalaridagi manipulyatsiya va bir-ikki terrorchining harakatlari, Turkiya muxoliflari mamlakatimiz taraqqiyotini to‘xtata olmaydi.

Turkiya rahbarining so‘zlariga ko‘ra, koronavirus pandemiyasi qisqa muddatli iqtisodiy tanazzulga sabab bo‘lgan, biroq Turkiya turizm sohasidagi maqsadlarini o‘zgartirmaydi va bu sohadagi daromadlarni maksimal darajada oshirishga harakat qiladi.

“2021-yil oxirida Turkiya sayyohlar soni bo‘yicha dunyoda to‘rtinchi o‘rinda edi, turizm daromadi bo‘yicha esa 8-o‘rinda bo‘lgan. 2022-yil uchun prognozlar ancha quvonarli”, — deya xulosa qildi u.

Eslatib o‘tamiz, Turkiya tashqi ishlar vaziri Mavlud Chavusho‘g‘li Rossiyaning Ukrainada boshlagan urushi qanday yakunlanishini aytgandi. Diplomat frontda g‘alaba bo‘lmasligi va tomonlar muzokaraga stoliga o‘tirishini ta’kidlagan.

Rajab Toyyib Erdo‘g‘on avvalroq 70 yil ichida dunyo tartibidagi eng keskin inqiroz haqida gapirgan. Uning so‘zlariga ko‘ra, insoniyatning tinchlik va barqarorlikka bo‘lgan umidlari amalga oshmadi, ziddiyatlar esa ko‘paydi.