O‘zbekiston tashqi savdoda eng ko‘p qaysi davlatlar bilan savdo qiladi?
O‘zbekistonda 2022-yilning yanvar—oktabr oylarida tashqi savdo qanday bo‘lgani ma’lum qilindi. Bu haqda Davlat statistika qo‘mitasi matbuot xizmati xabar bermoqda.
Tashqi savdo umumiy hajmida eksport ulushi 15,5 mlrd dollarni (2021-yil yanvar—sentabr oylarida o‘sish 23,8 foiz), import 24,6 mlrd dollarni (o‘sish 21,2 foiz) tashkil etdi.
Joriy yilning yanvar—oktabr oylarida mamlakatning eksportyorlari soni 6 586 tani tashkil etib, ular tomonidan 12,5 mlrd dollar qiymatidagi tovar va xizmatlar eksport qilinishi ta’minlandi.
O‘zbekistonning tashqi savdo aylanmasidagi eng yaxshi 10 ta davlat:
- Xitoy — 7,5 mlrd, eksport — 2,2 mlrd, import 5,3 mlrd dollar;
- Rossiya — 7,4 mlrd, eksport — 2,5 mlrd, import — 4,9 mlrd dollar;
- Qozog‘iston — 3,7 mlrd, eksport — 1,1 mlrd, import 2,6 mlrd dollar;
- Turkiya — 2,7 mlrd, eksport — 1,3 mlrd, import — 1,4 mlrd dollar;
- Koreya — 1,9 mlrd, eksport — 42 mln, import — 1,9 mlrd dollar;
- Qirg‘iziston — 990 mln, eksport — 773 mln, import — 217 mln dollar;
- Germaniya — 870,4 mln, eksport — 81 mln, import — 789,4 mln dollar;
- Turkmaniston — 614 mln, eksport — 170,6 mln, import — 443,5 mln dollar;
- Afg‘oniston — 586,5 mln, eksport — 579,2 mln, import — 7,3 mln dollar;
- Hindiston — 559,3 mln, eksport — 29,3 mln, import — 530 mln dollar.
2022-yil oktabr oyida eksport hajmi 1,4 mlrd dollarni tashkil etdi va 2021-yilning shu davriga nisbatan 33,4 foizga kamaydi.
2022-yil yanvar—oktabr oylarida meva-sabzavot mahsulotlari jami eksportning 5,8 foizini tashkil etdi.
Tovarlar importi dinamikasi tahliliga ko‘ra, 2022-yilning yanvar—oktabr oylarida import qilingan tovarlar hajmi, o‘tgan yilning mos davriga nisbatan 3,5 mlrd dollarga ko‘paydi va 22,5 mlrd dollarini tashkil etdi. Xizmatlar importi esa 2,1 mlrd dollarga yetdi.
Importning eng katta hajmi 2022-yilning mart oyida qayd etilib, 2,7 mlrd dollarni tashkil etdi. 2021-yilning shu oyiga nisbatan 862,8 mln dollarga kamaydi. 2022-yil oktabr oyida import hajmi 2,6 mlrd dollarni tashkil etdi va 2021-yilning shu davriga nisbatan 12,6 foizga ko‘paydi.
