“Yevropadagi retsessiya AQSH uchun foydali” — Vengriya Tashqi ishlar vaziri

Vengriya tashqi ishlar vaziri Peter Siyarto AQSH Yevropa iqtisodiyotidagi salbiy tendentsiyalardan foyda ko‘rmoqda, deb hisoblaydi. Bu haqda “Kommersant” xabar bermoqda. 

Siyosatchining tushuntirishicha, AQSH iqtisodiyoti YI mamlakatlariga sarmoyalarning qisqarishidan “foyda” ko‘radi.

Yevropa iqtisodiyotining retsessiya tomon harakati AQSH iqtisodiyoti uchun yaxshi yangilik. Go‘yo Amerika bundan foyda ko‘rganga o‘xshaydi... Yevrokomissiya Yevropa Ittifoqiga a’zo mamlakatlarga sarmoya kiritilishiga ko‘proq to‘sqinlik qilmoqda, — deydi Siyarto vengriyalik jurnalistlar bilan suhbatda.

Diplomat, shuningdek, Yevrokomissiyani Vengriyada ish o‘rinlari yaratilishiga to‘sqinlik qilayotganlikda va “Vengriyaga qarzi”ni to‘lashdan bosh tortayotganlikda aybladi. 

U, shuningdek, Vengriyaning AQSH va Yevropa Ittifoqiga nisbatan tanqidiy pozitsiyasini mamlakatda “demokratiya” mavjudligi bilan izohladi.

Ukrainada harbiy harakatlar boshlanganidan beri Bosh vazir Viktor Orban boshchiligidagi Vengriya hukumati nisbatan evroskeptik pozitsiyani saqlab qoldi (ayniqsa, Ukrainani harbiy qo‘llab-quvvatlash masalasida). 

Shu sababli mamlakat rahbariyati muntazam ravishda yevropalik siyosatchilar tomonidan Rossiyani bilvosita qo‘llab-quvvatlashda tanqid va ayblovlar obyektiga aylanib boradi.