Toshkentdagi Renaissance Hall saroyida 26-noyabr, shanba kuni UZ Football Awards—2022 marosimi bo‘lib o‘tdi.
Unda futbol sohasida turli nominatsiyalar bo‘yicha O‘zbekistonning 2022-yildagi eng yaxshilari aniqlandi.
O‘zbekiston U-23 terma jamoasi va “Olimpik” bosh murabbiyi Temur Kapadze yilning eng yaxshi murabbiyi deb topildi. Ta’kidlash joiz, 2021-yilda “Nasaf” bosh murabbiyi Ro‘ziqul Berdiyev yilning eng yaxshi murabbiyi bo‘lgan edi.
“Navbahor” a’zosi Jamshid Iskandarov yilning eng yaxshi futbolchisi sovrinini qo‘lga kiritdi. 2021-yilda ushbu sovrin “Roma” hujumchisi Eldor Shomurodovga nasib etgandi.
O‘zbekiston Superligasining ham eng yaxshilari taqdirlandi.
Superliganing eng yaxshi murabbiyi — Ro‘ziqul Berdiyev (“Nasaf”);
Superliganing eng yaxshi futbolchisi — Dragan Cheran (“Paxtakor”);
Yosh yulduz — Abbosbek Fayzullayev (“Paxtakor”);
Superliga-2022 to‘purari — Dragan Cheran (“Paxtakor”) — 20 ta gol;
Superliganing eng chiroyli goli — Islomjon Toshpo‘latov (“Surxon”);
Yilning eng yaxshi hakamlari — Vadim Agishev, Roziyabonu Yusupova;
Superliga—2021 ramziy terma jamoasi:
Darvozabon: O‘tkir Yusupov (“Navbahor”);
Himoyachilar: Dilshod Saitov, Husniddin Aliqulov (ikkalasi ham “Nasaf”), Rustam Ashurmatov (“Navbahor”), Farruh Sayfiyev (“Paxtakor”);
Yarim himoyachilar: Abdurauf Bo‘riyev (“Olimpik”), Sardor Sobirxo‘jayev (“Paxtakor”), Otabek Jo‘raqo‘ziyev (“Olimpik”), Xurshid G‘iyosov (“OKMK”), Jamshid Iskandarov (“Navbahor”);
Hujumchi: Dragan Cheran (“Paxtakor”).
Yilning eng yaxshi futzalchisi — Husniddin Nishonov (O‘zbekiston futzal terma jamoasi va “BMB” klubining futzalchisi);
Marosimda yana bir qator nominatsiyalar bo‘yicha yilning eng yaxshilari aniqlandi.
O‘zbek futboli nuroniysi — Birodar Abduraimov;
Fidoiylik ramzi — Anvar Ohunov;
Feyr-Pley sovrini — “Xorazm” futbol klubi;
Ayollar Oliy ligasining eng yaxshi murabbiyi — Vladimir Xan;
Ayollar Oliy ligasining eng yaxshi futbolchisi — Maftuna Shoyimova (“Sevinch”);
Ayollar Oliy ligasining to‘purari — Diyora Habibullayeva (“So‘g‘diyona-W”);
Pro-Liganing eng yaxshi murabbiyi — Viktor Kumikov (“Andijon”);
Pro-Liganing eng yaxshi futbolchisi — Ro‘zimboy Ahmedov (“Buxoro”);
Yilning eng yaxshi yoshlar murabbiyi — Farhod Nishonov (O‘zbekiston U-19 terma jamoasi);
Yilning eng yaxshi ayollar murabbiyi — Sherali Boboqulov (So‘g‘diyona-W);
Yilning eng yaxshi ayol futbolchisi — Mahliyo Sarikova (“Sevinch”).
Izoh (0)