Bugun,

  • USD 11095.31
  • RUB 173.84
  • EUR 10772.44

Ayni vaqtda Navoiy shahrida prezident Shavkat Mirziyoyev ishtirokida xalq deputatlari viloyat kengashi yig‘ilishi bo‘lib o‘tmoqda. Bu haqda “Daryo” muxbiri xabar berdi.

Foto: “Daryo” / Madina Nurman

Foto: “Daryo” / Madina Nurman

Prezident viloyatdagi ayrim yechimini kutayotgan masalalarga to‘xtalib o‘tdi.

“Viloyat iqtisodiyoti faqatgina yirik korxonalarga qarab qolmasligi kerak. Misol uchun, Xatirchida har 1 ming aholiga 13 ta, Navbahorda esa 15 ta tadbirkor to‘g‘ri kelib, qolgan hududlardan ancha orqada (viloyatda o‘rtacha – 22 nafar). Yoki, Xatirchida 8 ta, Navbahorda 6 ta, Karmana va Qiziltepada 5 tadan, Uchquduq va Konimexda 3 tadan, Nurota, Navoiy va Zarafshon shaharlarida 2 tadan, jami 36 ta mahallada tadbirkorlik rivojlanmagan. Shuningdek, 13 ta maxsus sanoat zonasida 300 gektar yer uchastkasi bo‘sh yotibdi. Vaholanki, ularda kamida 300 ta loyihani joylashtirib, 400 million dollardan ortiq investitsiya jalb qilsa bo‘ladi”, — dedi Shavkat Mirziyoyev.

Davlat rahbari Navoiyda sanoatni yanada rivojlantirish uchun juda katta zaxira va imkoniyatlar bo‘lgani bilan, ular to‘liq ishga solinmayotganini aytdi.

“Misol uchun, viloyatga yiliga 500 million dollarlik asbob-uskuna va ehtiyot qismlar chetdan import qilinayapti. Vaholanki, kooperatsiya asosida mahalliy tadbirkorlar bilan bularni bemalol o‘zimizda chiqarsa bo‘ladi. Bu borada viloyatda yetarli tajriba bor. Yoki, viloyatda 188 ta noruda konlari zaxirasi aniqlangani bilan, ularga investitsiya jalb qilish bo‘yicha tashabbus bildirilmayapti.

Jumladan:

  • Nurota, Tomdi va Uchquduqda 6 ta kvars qumi;
  • Navbahor, G‘ozg‘on, Karmana, Nurota, Tomdi, Uchquduq va Xatirchida 12 ta tabiiy pardozbop toshlar;
  • Uchquduqda kaolin, Karmanada bazalt va Nurotada mineral tolasi kabi 42 ta konlar bor.
Ushbu konlarga sanoat kirib borsa, yangi ish o‘rinlari va soliq tushumlari bo‘ladi”, - deydi prezident.
Shavkat Mirziyoyev Tomdi, Xatirchi, Uchquduq, G‘ozg‘on, Konimex, Qiziltepa, Navbahor va Nurotadagi 23 ta mahallada ishsiz yoshlar ko‘pligini aytdi.

“Bugun viloyat yoshlari bilan alohida uchrashaman va barcha masalalarni gaplashib olamiz. Shuningdek, viloyatda 20 mingdan ziyod ayollar yordamga muhtoj. Bu holat, ayniqsa, Xatirchi (3 438 ta), Qiziltepa (3 241 ta), Navoiy shahri (3 042 ta), Karmana (2 953 ta) va Navbahorda (2 650 ta) og‘ir”, — deydi davlat rahbari.

Shavkat Mirziyoyev ushbu masalalar yuzasidan mas’ullarga tegishli topshiriq berdi.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Dunyo
Pablo Eskobar buyrug‘i bilan portlatilgan Boeing, “Nevskiy ekspress” poyezdidagi terakt va sovet hukumatiga qarshi boshlangan Slutsk qo‘zg‘oloni. Kun xronologiyasi...
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi