Bugun,

  • USD 11095.31
  • RUB 173.84
  • EUR 10772.44

2022-yilning 9 oyi davomida 473 ta kompaniya IT Park rezidentiga aylandi, ulardan 142 tasi xorijiy kapitalga ega kompaniyalar. Bu haqda IT Park matbuot xizmati xabar bermoqda.

“Daryo” / Madina Nurman

“Daryo” / Madina Nurman

IT Park rezident kompaniyalari soni bugungi kunga qadar 996 taga yetib, yil boshidan buyon 190 foizlik o‘sish ko‘rsatkichiga erishdi. Shu bilan birga, 736 ta kompaniya Toshkentda, 260 tasi esa viloyatlarda joylashgan.

996 ta rezident kompaniyalardan:

  • 333 tasi — yangi ochilgan kompaniyalar;
  • 142 tasi — xorijiy kapitalga ega kompaniyalar;
  • 186 tasi — ta’lim kompaniyalari;
  • 291 tasi — eksportyor-kompaniyalar, ulardan: 150 tasi — dasturchi-kompaniyalar va 141 tasi — BPO kompaniyalari.

Qayd etilishicha, bugungi kunga qadar 592 ta kompaniya IT Park rezidenti maqomini olgan bo‘lsa, 248 ta kompaniyaga bunday maqom berilishi rad etildi.

Bundan tashqari, 119 ta kompaniya IT Park oldidagi majburiyatlarini bajarmagani uchun rezident maqomidan mahrum qilindi. 

IT Park rezidentlarining qanday vazifalari bor? 

Ma’lumki, rezidentlar o‘z faoliyatini Vazirlar Mahkamasining 2019-yil 15-iyuldagi 589-son qarori talablari asosida amalga oshirishi va IT Park rezidentining faoliyat shartlari to‘g‘risidagi shartnomaga muvofiq majburiyatlarni bajarishi shart.

IT Park rezidentlarining vazifalariga quyidagilar kiradi:

  • Ro‘yxatga muvofiq faoliyat turlaridan kelib chiqib, faqat biznes-rejada ko‘rsatilgan faoliyat turlarini amalga oshirish;
  • har chorakda IT Park direksiyasiga o‘z faoliyati to‘g‘risida ma’lumot berish;
  • har yili moliya-xo‘jalik faoliyati auditini o‘tkazish va auditorlik xulosasining bir nusxasini IT Park direksiyasiga yuborish;
  • rezidentning IT Park direksiyasi bilan ishlash shartlari to‘g‘risidagi shartnomadan kelib chiqadigan majburiyatlarni bajarish.

Nizom talablarini buzgan rezidentlar rezident maqomidan mahrum qilinadi hamda belgilangan tartibda ularni O‘zbekiston Davlat byudjetiga to‘lash majburiyatlari tiklangan holda soliq imtiyozlari bekor qilinadi.

Ta’kidlanishicha, taqdim etilayotgan imtiyozlar tufayli IT Park rezidentlari tomonidan qo‘shimcha ish o‘rinlari yaratilib, O‘zbekistonda IT-mutaxassislar soni ko‘paymoqda.

Shunday qilib, rezident kompaniyalarda 14 590 kishi faoliyat yuritadi. Ularda o‘tgan yilning shu davridagi xodimlar soni 8640 nafarni tashkil qilgan.

IT Park rezidenti maqomini olish uchun yuridik shaxslar o‘z arizalari va biznes-rejasini elektron portal orqali quyidagi havola yordamida yuborishlari kerak: https://it-market.uz 

Avvalroq O‘zbekistonda 1-apreldan IT sohasida qator imtiyozlar joriy etilgani xabar qilingan edi.

Izoh
Asosiy yangiliklar
Dunyo
Putin rasmiy qarorgohida zinadan yiqilib tushgani aytilmoqda
Mahalliy
“Mashina minishni qimmatlashtirish kerak”. Doniyor G‘aniyev tirbandliklarni kamaytirish, aholini jamoat transportiga o‘rgatish uchun nimalar qilish zarurligi haqid...
Madaniyat
“Uyda yolg‘iz” filmi yulduzi shapkasi yonayotgan sahnani suratga olish paytida boshi kuyib qolgani haqida gapirdi