Баъзида юлдузларнинг ўзлари шундай фактларни айтиб беришадики, бунга ишониш қийин.
Майкл Жексон «сирпаниб юриш»ни ўзи ўйлаб топмаган
«Сирпаниб юриш» бу — рақс техникаси бўлиб, унинг моҳияти шундаки, ижрочи орқага сирпаниб, худди олдинга юргандек оёқ ҳаракатларига тақлид қилади. Гарчи бу ҳаракат Майкл Жексон туфайли кўпчиликка маълум бўлса-да, «сирпаниб юриш» ундан анча олдин пайдо бўлган.
Ушбу услубнинг муаллифи раққос Билл Бэйли бўлган деган версия мавжуд. Миш-мишларга кўра, у ҳатто ҳаракат номини ҳам ўйлаб топган — «бекслайд» (баcкслиде - «орқага силжиш»).
Энди Макдоуэллни Чарли Чаплиннинг ноқонуний қизи деб ҳисоблашган
Бир куни Энди Макдауэллнинг мухлиси унга Мексикада чоп этилган газетани юборади, газетада у машҳур комик Чарли Чаплиннинг ноқонуний қизи эканлиги ёзилган эди. Актриса бундай ақл бовар қилмайдиган миш-мишни дарҳол рад этади. «Бу ўзим ҳақимда эшитган энг аҳмоқона миш-миш, — дейди Энди. — Чаплиннинг ҳақиқий қизи Жеральдин билан учрашганимда, унга ҳеч нарса демасам-да, лекин у менга тикилиб турганини пайқадим. У ўша мақолани ўқиганми, билмайман».
Мелани Гриффит уйда боқилган шер билан катта бўлган
Одатда болалар уй ҳайвонлари билан бирга катта бўлганларини айтишганда, мушук ёки итни тасаввур қиламиз, лекин даҳшатли шерни эмас. Мелани Гриффитнинг сўзларига кўра, у болалигини онаси — Голливуд юлдузи Типпи Хедренга тегишли шер, йўлбарс ва иккита фил билан ўтказган. Бугунги кунда оиланинг экзотик ҳайвонлари актриса ва унинг онаси ёввойи ҳайвонларни қутқариш учун қурган қўриқхонада яшайди.
Брюс Уиллис саҳнада куйлаган
Жангари фильмлар юлдузи 1987, 1989 ва 2001 йилларда қўшиқ куйлаш билан шуғулланганини ва ҳатто мусиқий альбомларини чиқарганини кўпчилик билмайди. Брюс блюз, ритм-энд-блюз ва соул услубидаги қўшиқларни ижро этган. Унинг композицияларидан бири хитга айланиб, 1987 йилги чартларнинг энг яхши ўнлигига кирган.
Гал Гадот мотоцилкчи бўлган
«Форсаж 4» фильмидаги Жизел исмли мотоциклчи сифатида кичик, аммо ёрқин рол кейинчалик «Мўъжиза-аёл» ролини ўйнаган Гал Гадот карьерасининг ривожланишига туртки беради. Актриса хавфли трюкларни ҳам ўзи бажарган ва Ducati мотоциклини шунчалик ёқтириб қолганки, ўзи учун ҳам сотиб олган. Бироқ Гал она бўлгач, мотоцикл минмай қўйган.
Мадонна ширинликлар дўконидан ҳайдалган
Дунё саҳнасининг бўлажак маликаси бир вақтлар пончик сотиладиган дўкондан ҳайдалган деб ким ўйлабди. Бу 1978 йилда, у қўшиқчи сифатида машҳур бўлишидан бир неча йил олдин содир бўлган.
Мадоннанинг айтишича, у атиги бир ҳафта сотувчи бўлиб ишлаган. У ўз ишига жиддий ёндашмагани, бир марта эса одамларга желе сепганлиги учун ишдан бўшатилади. Кўп ўтмай, қиз шоу-бизнесга қадам қўйиб, «Holiday» ва «Материал Гирл» каби хитларни чиқаради.
Тўқиш — Жулия Робертснинг севимли машғулоти
Актриса ёлғиз қолишни ва дам олишни хоҳлаганида тикиш ва тўқишни яхши кўришини тан олади. «Уйимда тикувчилик учун мўлжалланган кичик хона бор, у ерда тикув машинаси ва тўқилган нарсаларим сақланади. Мен у ерда кўп вақт ўтказмайман, лекин бу мен дам оладиган жой», — дейди Жулия.
Мерил Стрип ухлаб қолгани учун актрисаликни танлаган
«Оскар» киномукофотлари сони бўйича рекордчи Мерил Стрип кириш имтиҳонидан ўта олмаган, чунки у шунчаки ухлаб қолади. У 20 ёшида драма мактабида ўқиган, аммо «жиддий иш билан шуғулланиш» учун экологик ҳуқуқшунос бўлишни мақсад қилган. Имтиҳон куни ухлаб қолганидан сўнг, Мерил буни тақдир ишораси деб тушунади ва драма мактабидаги ўқишини давом эттиради.
Райан Гослинг шарф тўқиши мумкин
«Ла Ла Ленд» юлдузи агар бутунлай бўш куни бўлса, уни уйда ўтириб, тўқиш билан ўтказишини айтади. «Мен буни жуда яхши кўраман, ўзимга шарф ёки шляпа тўқишим мумкин», — дейди у.
Райан Гослинг 2007 йилда «Ларс ва ҳақиқий қиз» фильмидаги саҳнани суратга олиш пайтида тўқишни ўрганган. Сюжетга кўра, унинг қаҳрамони тўқувчи аёллар билан бир хонада ўтиради.
Изоҳ (0)