Bugun,

  • USD 11095.31
  • RUB 173.84
  • EUR 10772.44

Yaqinda jurnalistlar katta pul ishlash imkonini beradigan ijodiy faoliyatida muvaffaqiyat qozongan turkiyalik aktyor va aktrisalarning ro‘yxatini tuzdi. Ularning daromadlari bir nechta tarkibiy qismlardan iborat: omadli loyihalar va reklama kompaniyalari, deb yozadi “Kinoforum”.

Foto: Kollaj

Foto: Kollaj

Kivanch Tatlitug‘

Balki aktyor o‘g‘li Kuzey Efe tug‘ilgandan so‘ng o‘z merosxo‘ri uchun juda katta imperiya yaratishga qaror qilgandir. Hozir ham jurnalistlar Kivanch Tatlitug‘ning Turkiya yerlarining yarmini sotib olganini, qolgan yarmini esa o‘ylab ko‘rmoqchiligini aytishni yaxshi ko‘radi. Ammo aktyorning rejalari ularning taxminlari bilan to‘g‘ri kelmagani ma’lum bo‘ldi. U Nyu-Yorkda kvartira sotib olishga qaror qildi.

Foto: “Yandeks Dzen”

Foto: “Yandeks Dzen”

2022-yil aktyor uchun juda samarali yil bo‘ldi. Raqamli platformalar uchun 2 ta loyiha, Netflix uchun yangi filmning suratga olish ishlari yaqinda yakunlandi. Taniqli avtomobil brendining reklama kompaniyasida ishtirok etish, shuningdek, ko‘p yillardan beri ishlayotgan taniqli brendning djinsi kiyimlar va idishlarni yuvish vositalarining reklamasi aktyorga yaxshi daromad keltirayotgani shubhasiz.

Yil oxirida esa “Agar podshoh yutqazsa” televizion loyihasini suratga olish ishlari boshlanadi. Umuman olganda, 2021—2022-yillar davomida Kivanch taxminan 40 million turk lirasi (2 154 867 dollar) ishlab oldi. Ma’lumotlarga ko‘ra, mashhur aktyor 15 million dollar boyligi bilan Turkiyaning eng badavlat aktyorlaridan biri hisoblanadi.

Maryam Uzerli va Jan Yaman

Foto: Pinterest

Foto: Pinterest

Maryam Uzerli va Jan Yaman Kivanchdan keyingi o‘rinni egalladi. Ularning har biri 10 million dollar boylikka ega. Hozirda aktyorlar o‘zlari ishtirok etayotgan xorijiy loyihalar va reklamalarda rol o‘ynab, pul ishlashni afzal ko‘rmoqda. Ayni vaqtda Maryam ham, Jan Yaman ham Disney+ bilan shartnoma imzoladi.

Maryam Uzerli Turkiyadagi eng ko‘p haq to‘lanuvchi ayol aktrisadir. U tez-tez reklama roliklarida ishtirok etadi. Hatto Rossiyaning kosmetika kompaniyasi uchun suratga tushdi va buning uchun 1 million dollar oldi.

Foto: “Yandeks Dzen”

Foto: “Yandeks Dzen”

Turkiyani tark etgan Jan Yaman esa hali ham turk aktyori sifatida taniqli. Uning bu qarori karyerasiga ta’sir qilmadi. Italiyaning “Dengiz kabi binafsharang” teleseriali, makaron mahsulotlari va Mercedes-Benz Italia brendining reklamasida ishtirok etdi. Dineya + ning yangi “Turk” loyihasida suratga tushish uchun ham u vataniga kelishi shart emas, chunki loyiha Vengriyada suratga olinadi.

Xande Erchel

Foto: Pinterest

Foto: Pinterest

Ulardan keyingi o‘rinni Xande Erchel egalladi, uning boyligi 8 million dollarga yaqin. Televideniyedagi muvaffaqiyatli loyihalar, ayniqsa, dunyoning ko‘plab mamlakatlariga sotilgan “Eshigimni qoq” seriali unga Disney+ raqamli platformasi bilan shartnoma imzolash imkonini berdi. Aktrisa reklama sohasida ko‘plab brendlar bilan faol hamkorlik qiladi, bu esa unga katta daromad keltiradi.

Serenay Sarikaya

Foto: “Yandeks Dzen”

Foto: “Yandeks Dzen”

Serenay Serikayaning boyligi 6 million dollarga yaqin. So‘nggi paytlarda aktrisaning daromadi amaliy reklama kompaniyalaridan iborat. Turk seriallaridagi bitta epizod uchun aktrisa 100-150 ming turk lirasi (5000-8000 dollar) ni va bitta reklama kompaniyasi uchun 2-3 million turk lirasi (107000-161000 dollar) ni olishi hisobga olinsa, 2019-yilda televizor ekranlarida oxirgi marta suratga tushgan serialdan keyin aktrisaning bunday daromadga ega bo‘lishi ajablanarli emas.

Demet O‘zdemir

Foto: Pinterest

Foto: Pinterest

Demet O‘zdemirning boyligi 5 million dollarga baholanmoqda. Demet muvaffaqiyatli aktrisa bo‘lib, uning mashhurligi ko‘plab mamlakatlar tomonidan sotib olingan “Erkin qush” serialidan so‘ng keskin oshdi va bu uning chet elda mashhurligini ta’minladi. “Siz tug‘ilgan uy — sizning taqdiringiz” dramasidagi ishtirokidan so‘ng u Netflix va televideniye uchun bir necha loyiha va reklamalarga takliflar oldi.

Izoh
Asosiy yangiliklar
Maslahatlar
Bir necha daqiqada ichida djinsi kiyimlardan yog‘ dog‘larini tozalashga yordam beradigan usullar
Mahalliy
Surxondaryoda “Jiguli” qo‘ylar podasini urib yubordi
Mahalliy
“Biz uchun JSTga qo‘shilish mutlaq ustuvor vazifa” –  tashqi savdo vaziri o‘rinbosari Badriddin Obidov