Xonanda Alla Pugachyova o‘zining Gryaz qishlog‘idagi qasrini 1 milliard rublga sotuvga qo‘ydi, buning uchun u Rossiyaga qaytgan. Bu haqda Mash Telegram kanali xabar bermoqda.
Qayd etilishicha, ayni vaqtga qadar qasrga xaridor topilgani yo‘q, shuning uchun unga qo‘shiqchining nabirasi Nikita Presnyakov vaqtincha qarab turadi.
Pugachyova zarur qog‘ozlarni rasmiylashtirish va bolalari o‘qiyotgan maktabdan hujjatlar (gimnaziya rahbarlaridan shaxsiy fayllar, hisobot kartalari, tibbiy kartalar, bolalarning sertifikat va mukofotlari haqidagi ma’lumotlar)ni olib ketish uchun ham Rossiyaga qaytib kelgani ta’kidlangan.
OAV qo‘shiqchi Gryaz qishlog‘idagi qal’ani sotishni rejalashtirayotgani haqida may oyida yozgan edi. Qasr maydoni 2300 kvadrat metrni tashkil qiladi. Unda oltita qavat, yerosti garaji, katta suzish havzasi, sahnali oilaviy teatr bor. Bundan tashqari, hududda mehmon uyi mavjud. Jami xonalar soni 20 tani tashkil etadi.
Avvalroq Alla Pugachyova farzandlari bilan birgalikda Rossiyani tark etgani haqida xabar berilgandi. Pugachyovani Moskvaning Vnukovo aeroportida ko‘rishgan. Manbaning xabariga ko‘ra, u Isroilga qaytish chiptasisiz uchib ketgan.
20-sentabr kuni kuni xonandaning ustidan shikoyat tushgandi. Bunga sabab esa Pugachyova Rossiya Adliya vazirligidan eri Maksim Galkin va o‘zini “xorijiy agent” deb e’lon qilishni so‘ragan. U o‘z Instagram’ida erini “Rossiyaning haqiqiy vatanparvari” deb atab, “tinch hayot, so‘z erkinligi” va “yigitlarning xayoliy maqsadlar yo‘lidagi o‘limiga chek qo‘yilishini” tilagan edi.
Izoh (0)