Arab klubi Krishtianu Ronalduga yiliga 240 mln yevro maosh taklif qilgani ma’lum bo‘ldi
“Manchester Yunayted” hujumchisi Krishtianu Ronladu Saudiya Arabistoni klubidan moliyaviy tomondan ulkan taklif olgan. Bu haqda Mirror’ga tayanib “Chempionat” xabar qilmoqda.
Nomi oshkor qilinmagan klub portugaliyalik futbolchi uchun yiliga 240 million yevro maosh taklif qilgan. Bu uni dunyoning eng ko‘p maosh oladigan futbolchisiga aylantirardi. Biroq Ronaldu mazkur taklifni rad etgan
Shuningdek, maqolada qayd etilishicha, Ronaldu joriy mavsum o‘ziga taqdim qilinayotgan o‘yin vaqtidan norozi va katta ehtimol bilan mavsum yakunida jamoani tark etadi.
Avvalroq Saudiya Arabistoni futbol federatsiyasi prezidenti Yosir al-Mishal Krishtianuni mahalliy chempionatga olib kelish istagi borligini ma’lum qilgandi.
37 yoshli futbolchining mankunianlar bilan amaldagi shartnomasi 2023-yilning yozida o‘z yakuniga yetadi.
Mavzuga doir:
- “Manchester Yunayted” Ronaldu asosiy tarkibda tushgan o‘yinlarda gol ura olmayapti
- Do‘konga borish uchun vertolyot, bronza chumoli, mushuk uchun shaxsiy samolyot. Futbol yulduzlarining g‘ayrioddiy xarajatlari
