Bugun,

  • USD 10940.05
  • RUB 182.26
  • EUR 11121.65

Andijon shahrida o‘zboshimchalik bilan bir tup qayrag‘och daraxtini kesgan fuqaro hamda moratoriydan xabari bo‘la turib, fuqaroni ogohlantirmagan mahalla raisi jarimaga tortildi. Bu haqda “Daryo” muxbiri xabar bermoqda.

Foto: Andijon viloyat Ekologiya va atrof-muhitni muhofaza qilish boshqarmasi

Foto: Andijon viloyat Ekologiya va atrof-muhitni muhofaza qilish boshqarmasi

Andijon viloyat Ekologiya va atrof-muhitni muhofaza qilish boshqarmasining ma’lum qilishicha, 13-avgust kuni ijtimoiy tarmoqlarda Andijon shahrining “O‘zbekiston Mustaqilligining 21 yilligi” mahallasida daraxt kesilayotganligi haqida xabarlar tarqalgan. Shunga asosan boshqarmada tuzilgan ishchi guruhi tomonidan o‘rganish olib borilgan.

Foto: Andijon viloyat Ekologiya va atrof-muhitni muhofaza qilish boshqarmasi

Foto: Andijon viloyat Ekologiya va atrof-muhitni muhofaza qilish boshqarmasi

Mahallaning O‘zbekiston ko‘chasi 202-“A” uy yonida joylashgan bir dona qayrag‘och daraxti tegishli ruxsatnomasiz shu manzilda yashovchi fuqaro T.A. tomonidan kesilayotgan bo‘lgan. Fuqaro mutaxassislar bilan suhbatda daraxtning katta shoxi 3-avgust kuni sinib tushganligi, hasharotlar bilan zararlanganligini bildirib, bu bo‘yicha mahalla raisini xabardor qilib kesib yuborganligini aytgan.

Foto: Andijon viloyat Ekologiya va atrof-muhitni muhofaza qilish boshqarmasi

Foto: Andijon viloyat Ekologiya va atrof-muhitni muhofaza qilish boshqarmasi

Ma’muriy javobgarlik to‘g‘risidagi kodeksning 79-moddasi 1-qismi (daraxtlarni, butalarni, boshqa o‘simliklarni va nihollarni qonunga xilof ravishda kesish, kundakov qilish, shikastlantirish, yo‘q qilish yoki boshqa joyga ko‘chirib o‘tkazish) bilan fuqaro T.A.ga nisbatan bazaviy hisoblash miqdorining 5 baravari miqdorida, mahalla raisi X.X.ga nisbatan esa bazaviy hisoblash miqdorining 10 baravari miqdorida jarima belgilangan.

Foto: Andijon viloyat Ekologiya va atrof-muhitni muhofaza qilish boshqarmasi

Foto: Andijon viloyat Ekologiya va atrof-muhitni muhofaza qilish boshqarmasi

Shuningdek, T.A.ga nisbatan ma’muriy ish ochilib, o‘simlik dunyosiga 76 million 500 ming so‘m zarar yetkazilganligi hisoblanib, ish sudga yuborilgan.

Foto: Andijon viloyat Ekologiya va atrof-muhitni muhofaza qilish boshqarmasi

Foto: Andijon viloyat Ekologiya va atrof-muhitni muhofaza qilish boshqarmasi

Qo‘shimcha qilinishicha, Andijon shahri hokimi G‘ofurjon Abdurahmonov ham voqea joyiga yetib kelib, daraxt kesgan fuqaro hamda unga ruxsat bergan mahalla raisi bilan suhbatlashgan.

Izoh
Asosiy yangiliklar
Mahalliy
O‘zbekistonliklar sayohat uchun ko‘proq qaysi davlatlarga borayotgani ma’lum qilindi
Dunyo
Ijevskdagi maktabda yuz bergan otishma qurbonlari soni 17 kishiga yetdi
Sport
Millatlar Ligasida uchinchi yarim finalchi nomi ma’lum bo‘ldi