Komil Allamjonov “Alter Ego”ga bergan intervyusida haydovchilik guvohnomasi uchun imtihon topshirish markazidagi narx nima uchun oshganini aytdi.
Uning so‘zlariga ko‘ra, dastlab narx 250 ming so‘m etib belgilanishi rejalashtirilgan edi.
Bu adekvat narx, deb hisoblayman, chunki bizda ulkan markaz, ulkan xodimlar va zamonaviy texnologiyalar mavjud. Ularning aksariyati qisman xorijiy hamkorlar, valyuta va kreditlar bilan bog‘liq, — deya tushuntirdi Allamjonov.
Biroq, uning so‘zlariga ko‘ra, markazda asta-sekin bu narxga kelishga qaror qilishdi. Uning qo‘shimcha qilishicha, hozir odamlar haydovchilik guvohnomasini qo‘lga kiritish uchun avvalgidan ko‘ra bir necha baravar kam mablag‘ sarflamoqda.
Komil Allamjonov markaz qayta imtihondan pul topish maqsadida odamlarni ataylab yiqitgani haqidagi gap-so‘zlarga ham izoh berdi.
Buni imtihondan o‘ta olmaganlar aytadi. Markazimizdagi barcha shablonlar avvaldan qo‘llanilgan shablonlardir, — dedi Allamjonov.
Uning qo‘shimcha qilishicha, yangi talablarga ko‘ra, markazda savollar soni 700 tadan 1000 tagacha ko‘paygan. Ammo bu savollarning barchasi o‘quv dasturidan olingan.
Agar odam 276 soatlik mashg‘ulotning hammasini o‘tsa, 50-60 soatdan hammasini bosib o‘tsa, ya’ni, agar hamma qilish kerak bo‘lgan narsani qilsa, u bemalol imtihondan o‘tadi, — dedi Allamjonov.
Shuningdek, u markazdagilar odamlarni ataylab yiqitganini yoki sertifikat sotayotganini isbotlasa, unga shaxsan 10 000 dollar berishga va’da berdi.
Avvalroq Komil Allamjonov imtihon markazini yaratish qanchaga tushishini aytgan edi.
Izoh (0)