Namanganda “Qora dori – 2022” tadbirlari davomida ichki ishlar idoralari tomonidan jami 58 ta jinoiy holat aniqlandi. Bu haqda “Daryo” muxbiri Azizbek Abduvaliyev xabar bermoqda.
Tadbir boshlanganidan beri o‘tgan 40 kun davomida ushlangan shaxslardan 3,2 kilogramdan ortiq giyohvand moddalar olingan. Bundan 1 kilogramm 853 grammi kuchli ta’sir qiluvchi dori vositalari, 1 kilogramm 079 grammi gashish, 270 grammi marixuana va 31 grammi ko‘knor somoni hisoblanadi.
Namangan viloyat IIB matbuot xizmati rahbari Shokirjon Hoshimovning qayd etishicha, olib borilayotgan tezkor tadbirlar davomida asosiy e’tibor jinoyatning ildizlariga qaratilmoqda.
“Joriy yil 7-iyun kuni Davlatobod tumani, “Navbahor” mahallasida yashovchi 36 yashar fuqaro boshqaruvidagi Lacetti avtobili xolislar ishtirokida qo‘zdan kechirilib, mashinada 0,81 gramm gashish giyoxvand moddasi borligi aniqlandi.
Jinoyat zanjirini topish maqsadida mazkur fuqaro ishtirokida ‘Nazoratli xarid‘ tadbiri o‘tkazildi. Unda Namangan shahri, Guliston mahallasida yashovchi 1962-yilda tug‘ilgan fuqaro tadbir ishtirokchisiga 500 000 so‘m evaziga 3 gramm gashish sotgan vaqtida qo‘lga olindi. Uning yashash xonadoni xolislar ishtirokida ko‘zdan kechirilganida yerto‘ladan qora yelim xaltaga o‘ralgan umumiy og‘irligi 56,7 gramm marixuna hamda 62,16 gramm gashish moddalari olindi”, — deydi Shokirjon Hoshimov.
Namanganda “Qora dori – 2022” tadbirlari davom etmoqda.
Mavzuga doir:
Farg‘onada uyining tomorqasida 125 tup ko‘knori parvarishlab kelgan ayol ushlandi
Izoh (0)