Bugun,

  • USD 11014.01
  • RUB 191.8
  • EUR 10674.78

O‘zbekiston YeOII mamlakatlari bilan hamkorlikni rivojlantirish niyatida va Yevroosiyo taraqqiyot bankiga a’zo bo‘lishga tayyorlanmoqda. Bu haqda O‘zbekiston bosh vaziri Abdulla Aripov Yevroosiyo hukumatlararo kengashi yig‘ilishida ma’lum qildi, deya xabar bermoqda “ТАСС” nashri.

Foto Reuters

Foto Reuters
Hozirda O‘zbekistonning Yevrosiyo taraqqiyot bankiga qo‘shilish shartlari va tartiblarini kelishish jarayoni davom etmoqda, — dedi Abdulla Aripov. 
Uning so‘zlariga ko‘ra, O‘zbekistonning tegishli idoralari va Yevrosiyo iqtisodiy komissiyasi departamentlari o‘rtasida yaqin hamkorlik bo‘yicha qo‘shma yo‘l xaritasini muvofiqlashtirish ishlari yakunlanmoqda.
Biz ushbu hujjatni tasdiqlash va qabul qilishda YeOIIga a’zo davlatlar tomonidan qo‘llab-quvvatlanishiga umid bildiramiz. Shuningdek, aziz hamkasblardan O‘zbekistonning YeOII doirasida amalga oshirilayotgan elektron texnologiyalarni rivojlantirish kabi tashabbuslardagi ishtirokini ma’qullashni so‘rayman. Bugungi yig‘ilishda savdo, temiryo‘l transportini raqamlashtirish, “Agroekspress” logistika loyihasi va iqlim o‘zgarishi bo‘yicha hamkorlik masalalari muhokama qilindi, — deya qo‘shimcha qildi Aripov.
O‘zbekiston Bosh vaziri joriy yilning mart va aprel oylarida respublika poytaxtida Toshkent xalqaro investitsiya forumi va “Innoprom: Markaziy Osiyo” xalqaro ko‘rgazmasi bo‘lib o‘tishini ma’lum qildi va Yevrosiyo hukumatlararo kengashi ishtirokchilarini ushbu anjumanga taklif etdi. 

Yevrosiya taraqqiyot banki qanday bank va vazifalari

Yevrosiyo taraqqiyot banki 2006-yilda Rossiya va Qozog‘iston tomonidan tashkil etilgan. U mintaqaviy rivojlanish banki sifatida e’tirof etiladi va unga Osiyo va Yevropada, oltita davlat a’zo — Armaniston, Belarus, Qozog‘iston, Qirg‘iziston, Rossiya va Tojikiston kiradi.

Bankning vazifasi o‘z investitsiya faoliyati orqali bozor iqtisodiyotini rivojlantirish, iqtisodiy o‘sish va unga a’zo davlatlarda savdo va boshqa iqtisodiy aloqalarni kengaytirishga ko‘maklashishdan iborat.

Izoh
Asosiy yangiliklar
Sport
YCHL. “Bavariya” o‘z maydonida raqibini tor-mor etdi, “Marsel” 5 ta gol urilgan o‘yinda “Sporting” ustidan yirik hisobda g‘alaba qozondi
Mahalliy
“Daryo” kundaligida 4-oktabrda sodir bo‘lgan eng muhim voqealar
Dunyo
Belgorod shahri osmonida noma’lum uchqun paydo bo‘ldi (video)