Futbol bo‘yicha Ispaniya La Ligasining 22-turidan o‘rin olgan “Alaves” va “Barselona” jamoalari o‘rtasidagi o‘yin 23-yanvar, yakshanba kuni bo‘lib o‘tdi.

Foto: Getty Images

Uchrashuvdagi yagona gol 87-daqiqaga kelib urildi. Frenki de Yong o‘zining aniq zarbasi bilan katalonlarga g‘alaba keltirdi. Shu tariqa Xavi jamoasi ketma-ket uch o‘yinlik g‘alabasiz seriyasiga yakun yasadi

“Barselona” ochkolari sonini 35 taga yetkazdi va beshinchi o‘ringa ko‘tarilib oldi. “Alaves” 17 ochko bilan o‘n to‘qqizinchi o‘rinda bormoqda.

“Ko‘k-anorranglilar” keyingi turda 6-fevral kuni “Atletiko”ni qabul qilsa, “Alaves” “Elche” maydoniga safar qiladi.

La Liga

22-tur bahsi

23-yanvar, yakshanba

“Alaves” — “Barselona” 0:1

Gol: 0:1 – 87 Frenki de Yong.

“Alaves”: Pacheko, Agirregabiria, Laguardia, Lejen, Xavi Lopes, Pina (Moyya, 88), Pere Pons (de la Fuente, 72), Jeyson, Eskalante, Xoselu, Rioxa (Mendez, 90).

“Barselona”: ter Shtegen, Dest, Pike, Arauxo, Alba, Buskets, Frenki de Yong, Pedri (Langle, 90), Ezzalzuli (Niko Gonsales, 71), Lyuk de Yong (Jujla, 84), Ferran Torres.