Ijtimoiy tarmoqlarda daraxtlar atrofi betonlangani haqida lavhalar tarqaldi.

Foto: Ekologiya qo‘mitasi

Ekologiya qo‘mitasi axborot xizmati ma’lum qilishicha, holat Jizzax viloyati boshqarmasi tomonidan o‘rganildi.

Aniqlanishicha, Mirzacho‘l tumani, Gagarin shaharchasi, “Do‘stlik” MFY, Xalqlar Do‘stligi ko‘chasining ikki tomoniga ekilgan 75 tup daraxt atrofi “Fayz-Baraka” MCHJ tomonidan yo‘lak qurish ishlari davomida betonlab yuborilgan.

Daraxtlarning barchasi: 38 tup archa, 7 tup yasin, 1 tup tut, 1 tup akatsiya, 1 tup gilos, 4 tup qayrag‘och, 7 tup eldor qarag‘ayi, 12 tup aylan daraxtlarining tagidagi betonlar buzib olindi va ularning tagi yumshatilib, parvarish qilindi.

Foto: Ekologiya qo‘mitasi

MChJning ushbu ishga yo‘l qo‘ygan xodimlariga nisbatan rasmiy bayonnoma rasmiylashtirilib, jarima belgilandi.