Kumush ionlaridan tayyorlangan qoplama bakteriyalarning ko‘payishini 99 foizga pasaytiradi, qayta ishlangan plastikdan yasalgan detallari esa karbonat angidrid gazi ajralib chiqishini 21 foizga kamaytiradi.
13-oktabr kuni next@acer’ning global matbuot anjumani o‘tkazildi. Tadbir “Insoniyat uchun tayyorlangan” shiori ostida o‘tdi. Asosiy urg‘u Acer mahsulotlarining ekologik tozaligi va yuqumli kasalliklarning tarqalishi nuqtayi nazaridan xavfsizligiga qaratildi.
Acer mikroblarga qarshi yechimlarga ega bo‘lgan mahsulotlari turlarini kengaytirdi
Noutbuklar bilan bir qatorda, mikroblarga qarshi himoyalanishga Acer Bluetooth KM501 klaviaturasi va sichqonchasi hamda 26 foizga ishlatilgan qahva quyqasidan ishlab chiqarilgan Acer eco-shell suv o‘tkazmaydigan sayohatchilar kurtkasiga ham ega bo‘ldi.
Sinovlar shuni ko‘rsatdiki, kumush ionlari asosidagi qoplam tez-tez ishlatiladigan yuzalar: korpus, klaviatura va tachpadda bakteriyalarning ko‘payish tezligini 99 foizga pasaytirar ekan. Acer displeylari Corning® Gorilla® Glass mikrobga qarshi qoplamasi bilan himoyalangan.
Acer TravelMate Spin P4 — mikroblardan himoyalangan biznes klassdagi noutbuk-transformer
Acer TravelMate Spin P4 noutbukining og‘irligi atigi 1,53 kilogramm, qalinligi 17,9 millimetr, avtonom tarzda ishlash vaqti 13,5 soatni tashkil etadi. Bunda foydalanuvchi bir vaqtning o‘zida bir necha dasturlar, veb-sahifalar va elektron jadvallar bilan ishlashi mumkin. Klaviatura suv o‘tkazmaydi, displey esa tirnalishlarga chidamli.
Enduro seriyasi sarguzashtlar uchun yaratilgan
Vazni 1,85 kilogramm va qalinligi 21,95 millimetr bo‘lgan Acer Enduro noutbuki harbiy standartga muvofiqligi bo‘yicha sertifikatlangan: uning korpusi 1 metr 22 santimetr balandlikdan qulab tushishga chidamli. Chang va namlikdan ishonchli himoyasi, shuningdek, portlari, dinamiklari va klaviaturasining suv o‘tkazmasligi ob-havo sharoitlari haqida qayg‘urmaslik imkoniyatini beradi.
Ajablantiruvchi 9,92 millimetr qalinlik va 595 gramm vaznga ega bo‘lgan Enduro Urban plansheti o‘z qatoridagi mahsulotlarning barcha afzalliklariga: bakteriyalardan, namlik va changdan himoyalanish, suv o‘tkazmaslik, planshentdan ko‘chada foydalanish imkonini beruvchi yorqin va aniq tasvir ko‘rsatish xususiyatlariga ega. U videoqo‘ng‘iroqlar va onlayn ta’lim olish uchun har tomonlama mos keladi.
Acer VE246Q monitori inson ko‘zi uchun juda qulay
Acer VE246Q monitori qayta ishlangan plastikdan tayyorlangan bo‘lib, ekologik sertifikatlarga egadir. Yuqori tiniqlik koeffitsiyenti va ko‘rish burchagining 178 gradusli keng qamrovi nihoyatda tiniq tasvirlarni yaratadi. Acer ComfyView texnologiyasi aks-shu’lalarni bartaraf etadi, BlueLightShield texnologiyasi esa zararli ko‘k rang nurlar taralishini kamaytiradi.
Acer Vero’ning eko do‘stona mahsulotlari
Acer Vero mahsulotlar qatori atrof-muhitga g‘amxo‘rlik qilgan holda yaratilgan. Ular qayta ishlangan plastikdan ishlab chiqarilgan va qayta ishlanadigan qadoqda, bir joydan ikkinchi joyga yetkaziladi. Qurilma qismlarga oson ajraladi, bu esa ta’mirlash va modernizatsiyani soddalashtiradi, demak, xizmat ko‘rsatish muddatini uzaytiradi.
Acer Aspire Vero yashil noutbuki
Acer Aspire Vero noutbuki korpusining 30 foiz qayta ishlangan plastikdan iborat bo‘lib, bu ushbu detalni ishlab chiqarishda karbonat angidrid gazi ajralishini 21 foizga kamaytiradi. Full HD tiniqlikka ega bo‘lgan 15,6 dyuymli displeyi esa 99 foiz ikkilamchi qayta ishlash uchun yaroqli.
Agar vazifani bajarish uchun Acer Vero’ning to‘liq quvvati talab etilmasa, foydalanuvchi VeroSense innovatsion texnologiyasini faollashtirib, optimal energiya iste’moli rejimini tanlashining o‘zi kifoya.
Ish uchun foydalaniladigan Acer TravelMate Vero ekologik noutbuki
TravelMate Vero barqaror rivojlanish tamoyillarini qo‘llab-quvvatlaydigan biznes uchun yaratilgan. Ushbu yashil noutbuk quvvati va yuqori darajadagi himoyasi bilan farq qiladi. Acer ProShield Plus texnologiyasi ma’lumotlarni shifrlash, shifrsizlash va foydalanuvchining biometrik autentifikatsiyasi uchun javob beradi. Korpusining 30 foiz qayta ishlangan plastikdan iborat.
Acer Veriton Vero Mini yashil shaxsiy kompyuteri va Acer Vero BR277 monitori
Juda kichkina, biroq samarali Acer Veriton Vero Mini shaxsiy kompyuteri 1, 2 va 3 litrli hajmlarda hamda diskovodlar, portlar, xotiralarining turli konfiguratsiyalarida namoyon etilgan. Barcha modellar ixcham bo‘lib, stolni to‘ldirib qo‘ymaslik uchun ularni ryukzakka solib olish yoki monitorning orqasiga yashirib qo‘yish mumkin. Shamollatiluvchi korpusining 25 foiz qayta ishlangan plastikdan iborat.
Acer Vero monitorining korpusi 50 foizdan ortiq miqdorda qayta ishlangan plastikdan iborat. Acer Ergostand tagligi mahsulotni egish, burish va balandlikni rostlash imkonini beradi, Acer VisionCare texnologiyasi ko‘zga tushadigan bosimni pasaytiradi, BlueLightShield esa zararli ko‘k rangning nurlanishini kamaytiradi.
Shuningdek, next@acer anjumani vaqtida kompaniya ConceptD 7 SpatialLabs Edition noutbukini taqdim etdi. Innovatsion optik va sensorli texnologiyalar dizaynerlar va ishlab chiquvchilarga 2D kontentni 3D ga aylantirib, real vaqt rejimida rendering qilish imkonini beradi. Obyektni uch o‘lchamli makonga ko‘chirish uchun sun’iy intellektdan foydalaniladi.
Acer global matbuot-anjumanining to‘g‘ridan to‘g‘ri namoyishidan qo‘shimcha ma’lumotlarga ega bo‘ling.
Reklama huquqi asosida.
