Bugun,

  • USD 11095.31
  • RUB 173.84
  • EUR 10772.44

Nukusda 5 yildan buyon avariya holatidagi uyda yashayotgan ayolga ombudsman aralashuvi bilan vaqtinchalik uy ajratildi. Bu haqda ombudsman matbuot xizmati xabar berdi.

Foto: Ombudsman matbuot xizmati

Foto: Ombudsman matbuot xizmati

Ma’lum qilinishicha, nukuslik ayol B.Z. 5 yildan buyon avariya holatidagi uyda yashashi va kunlarning sovib ketishi oqibatida o‘zi va 10 yoshli qizining sog‘lig‘iga jiddiy zarar yetayotgani bo‘yicha amaliy yordam so‘rab ombudsmanga murojaat qilgan.

Mazkur murojaat o‘rganish uchun ombudsmanning Qoraqalpog‘istondagi mintaqaviy vakili Zuxra Reymovaga yuborilgan. Mintaqaviy vakil murojaatchining uy manziliga ma’sul sektor rahbari, mahalla bo‘lim boshlig‘i va fuqarolar yig‘ini raisi bilan borganida haqiqatdan ham fuqaro juda og‘ir sharoitda yashayotganiga guvoh bo‘lgan.

Foto: Ombudsman matbuot xizmati

Foto: Ombudsman matbuot xizmati

Foto: Ombudsman matbuot xizmati

Foto: Ombudsman matbuot xizmati

Uyning tom qismidagi taxtalarni vahmak (termit) hasharoti yeb bitirayotgani sababli, turar joy avariya holatiga kelib qolgani, yog‘ingarchilik paytida uy tomidan chakki o‘tishi, isitish tizimi ishlamagani sababli uy doim sovuq va zax holatda ekanligi aniqlangan.

O‘rganish ishlari davomida ayol ishsizligi sababli arzon turar joy uchun ipoteka kreditini rasmiylashtira olmayotgani va to‘lovlarni vaqtida to‘lashi uchun ham doimiy ishga ega bo‘lishi kerakligini aytgan.

Ombudsman vakili Zuxra Reymovaning aralashuvi bilan murojaatchiga shahar hokimligi balansida turgan Nukus shahar “Yeliabad” MFY hududida joylashgan xonadon vaqtincha ajratib berilgan. Hozirda ushbu fuqaroning mutaxassisligi bo‘yicha doimiy ish bilan ta’minlanish choralari ko‘rilmoqda.

Izoh
Asosiy yangiliklar
Dunyo
Putin rasmiy qarorgohida zinadan yiqilib tushgani aytilmoqda
Mahalliy
“Mashina minishni qimmatlashtirish kerak”. Doniyor G‘aniyev tirbandliklarni kamaytirish, aholini jamoat transportiga o‘rgatish uchun nimalar qilish zarurligi haqid...
Madaniyat
“Uyda yolg‘iz” filmi yulduzi shapkasi yonayotgan sahnani suratga olish paytida boshi kuyib qolgani haqida gapirdi