“Tolibon” O‘zbekistonning Kobuldagi yangi hukumat bilan aloqa o‘rnatishga tayyorligini e’tirof etdi

O‘zbekiston Afg‘onistonda “Tolibon” tomonidan muvaqqat hukumat tuzilganini olqishlagani haqida xabar berilgandi. Shundan so‘ng “Tolibon” O‘zbekistonning Kobuldagi yangi hukumat bilan aloqa o‘rnatishga tayyorligini e’tirof etdi. Bu haqda “Tolibon” yetakchilaridan biri Anas Haqqoniy o‘zining Twitter sahifasida yozdi.

“Biz O‘zbekiston Tashqi ishlar vazirligining Afg‘oniston muvaqqat hukumati tomoniga tashlagan ijobiy qadamini qadrlaymiz”, – deyiladi bayonotda.

Haqqoniyning aytishicha, Afg‘oniston qo‘shnilar, mintaqa davlatlari va xalqaro hamjamiyat bilan do‘stona munosabatlar o‘rnatmoqchi.

Bundan avval “Tolibon” Afg‘oniston hukumatining yangi tarkibini e’lon qilgandi.