Amerikaning aeronavtika va kosmik makon tadqiqotlari bo‘yicha boshqarmasi (NASA) Mars missiyasining bir yillik imitatsiya loyihasiga ko‘ngillilarni to‘plashni boshlaganini e’lon qildi, deb xabar beradi IXBT.

Foto: IXBT

Qizil sayyoradagi hayotning bir yillik imitatsiyasi 2022-yilning kuzida boshlanishi kerak.

Agentlik sayyoradagi real muhitga o‘xshash sharoitni yaratishga, “yuqori motivatsiyaga ega insonlar” yerdagi uzoq muddatli simulyatorda qancha vaqt bardosh berishini o‘ranishga urinmoqda.

NASA Texasda joylashgan Jonson nomidagi kosmik markazda Mars yuzasi kabi ishlangan hududda uchta bir yillik missiyani o‘tkazishni rejalashtirgan. Bu kelajakda insonning Oy va Marsga amalga oshiradigan kosmik parvozlarida yuzaga kelishi mumkin bo‘lgan muammolarni hal etish uchun texnologiya va usullarni ishlab chiqishga xizmat qiladi.

Har bir missiya tarkibidagi to‘rt nafar ekipaj a’zosi 3D printerda chop etilgan 160 kvadrat metrdagi maydonda joylashadigan Mars Dune Alpha modulida yashashi kerak bo‘ladi. Atrof-muhit Marsdagi missiyaning muammolarini imitatsiya qiladi, xususan, resurslar cheklanadi, qurilmalar ishdan chiqishi mumkin, aloqa sekinlashadi va stressga soluvchi atrof-muhitga bog‘liq boshqa omillar ko‘rib chiqiladi. Ekipaj zimmasiga ochiq kosmosga chiqishni modellashtirish, ilmiy tadqiqotlar, virtual reallikdan foydalanish va robotlarni boshqarish, shuningdek, xabarlar almashinuvi yuklanadi.

NASA hozirda ko‘ngillilarning arizalarini kutmoqda. Talablar — AQSh fuqaroligi, sog‘lom bo‘lish, yoshi 30-55 dan oshmasligi, chekish kabi zararli odatlari bo‘lmasligi, uchuvchilik bo‘yicha tajribaga va tabiiy fanlar, muhandislik yoki matematika bo‘yicha magistr darajasiga ega bo‘lish.

Eslatib o‘tamiz, 20-iyul kuni milliarder Jeff Bezos koinotda bo‘lib qaytdi. Bortida Bezos va yana uch nafar odam bo‘lgan New Shepard havo kemasi kosmosga chiqib muvaffaqiyatli qo‘nishni amalga oshirdi. New Shepard kapsulasi kosmodromdan uchgach, taxminan 350 ming funt masofani bosib o‘tdi, Yer atmosferasini fazodan ajratib turuvchi Karmana chizig‘idan (Yerdan 100 kilometr uzoqlikda) o‘zgan holda koinotga chiqdi. Parvoz taxminan 11 daqiqa davom etgan.