Futbol bo‘yicha O‘zbekiston Superligasining 13-turidan o‘rin olgan oxirgi o‘yinlar 1-avgust, yakshanba kuni bo‘lib o‘tdi.
Foto: “Daryo”/ “Navbahor”
“Qo‘qon—1912” o‘z uyida “Navbahor”ni qabul qildi. Azim Ahmedov 13-daqiqada uzoq masofadan yo‘llangan zarba bilan hisobni ochdi. Sardor Telyakov 81-daqiqada jamoasining ikkinchi golini urdi. Hakam tomonidan qo‘shib berilgan vaqtda Igor Golban avtogol muallifiga aylandi.
Navbahor 17 ochko bilan 8-o‘rinni band etib turgan bo‘lsa, “Qo‘qon—1912” 15 ochko bilan 13-o‘ringa tushib qoldi.
Foto: “Daryo”/ “Metallurg”
“Metallurg” “Qizilqum” bilan bahs olib bordi. 56-daqiqada Mate Vatsadze gol urib, mehmonlarni oldinga olib chiqqan bo‘lsa, 64-daqiqada Elguja Griglashvili hisobni 0:2 ko‘rinishiga olib keldi. 67-daqiqada Ibrohim Ibragimov hisobni qisqartirdi. Qolgan vaqtda hisob o‘zgarmadi.
“Qizilqum” ochkolari sonini 23 taga yetkazdi va 5-o‘rinni egallab turibdi. “Metallurg” esa 18 ochko bilan 9-o‘rinda bormoqda.
Shu tariqa 13-turdan keyin musobaqa jadvali quyidagi ko‘rinishni oldi:
Foto: “Daryo”/ Husan Sobitov
Superliga
13-tur bahslari
1-avgust, yakshanba
“Qo‘qon—1912” — “Navbahor” 1:2
Gollar: 0:1 – 13 Azimov, 0:2 – 81 Telyakov, 1:2 – 90+7 Golban (avtogol)
“Qo‘qon—1912”: 1. Muzaffar Abdullayev, 3. Bobirjon Akbarov, 8. Farhodbek Bekmurotov (91. Yakuba Bamba 67), 10. Shohnazar Norbekov, 13. Sardor Azimov (19. Suhrob Berdiyev, 67), 14. Avazxon Mamatxo‘jayev (99. Andrey Sidorov, 75), 15. Oybek Rustamov, 22. Muhammadanas Hasanov (11. Mo‘min Meliyev, 83), 23. Aleksandr Merzlyakov (5. Slavko Lukich, 83), 33. Ivan Yosovich, 70. Murod Xolmuhammedov.
“Navbahor”: 1. O‘tkir Yusupov, 4. Boyan Siger, 7. Azim Ahmedov, 9. Ivan Solovyov, 10. Quvondiq Ro‘ziyev (8. Sardor Telyakov, 71), 14. Kosta Guttiner (95. Zabihillo O‘rinboyev, 80), 19. Mirzohid G‘ofurov, 20. Ibrohim G‘anixonov (11. Islomjon Isoqjonov, 68), 22. Igor Golban, 24. Davron Hoshimov, 88. Boyan Naydenov.
Ogohlantirishlar: Merzlyakov (11), Golban (36), Hoshimov (37), Guttiner (50), Ro‘ziyev (53), Ahmedov (70)
“Metallurg” — “Qizilqum” 1:2
Gollar: 0:1 – 56 Vatsadze, 0:2 – 64 Grigalashvili, 1:2 – Ibragimov
“Metallurg”: 12. Aleksandr Lobanov, 6. Xudoyshukur Sattorov, 7. Ruslan Ro‘ziyev (90. Abdurahmon Abdulhaqov. 71), 8. Salamat Quttiboyev, 14. Abror Toshqo‘ziyev, 22. Shahzodbek G‘ofurbekov (10. Shahzodbek Nurmatov, 71), 30. Ibrohim Ibragimov, 48. Dilshod Rahmatullayev, 55. Akbar Ismatullayev, 80. Farrux Ibragimov, 98. Damir Temirov (15. Zohid Abdullayev,62).
“Qizilqum”: 1. Ignatiy Nesterov, 6. Erkin Baydullayev, 7. Islom Kenjaboev, 8. Georgiy Kuxianidze, 10. Mate Vatsadze (92. Vladislav Aleksin, 75), 14. Fayzulla Qambarov, 17. Salim Mustafoyev, 18. Jasur Azimov (19. Jamshid Hasanov, 82), 20. Islom To‘xtaxo‘jayev, 30. Elguja Grigalashvili, 75. Oleg Tolmasov.
Ogohlantirishlar: Ibragimov (48), Boydullayev (57), Ismatullayev (59), Ibragimov (61), Kenjaboyev (68)
