Tokio—2020. Bahodir Jalolov ozarbayjonlik bokschini taslim etib, chorak finalga chiqdi

Boks bo‘yicha +91 kg vazn toifasida O‘zbekiston sharafini himoya qilayotgan Bahodir Jalolov 29-iyul kuni Tokio—2020 Olimpiadasidagi ishtirokini boshladi.

1/8 finalda Jalolovga ozarbayjon vakili Muhammad Abdullayev raqib bo‘ldi. Jalolov jang davomida to‘liq ustunlikka ega bo‘ldi. Ikkinchi raundda raqibini nokdaun holatiga tushirdi. Yakunda hakamlar bir ovozdan Bahodirning g‘alabasini qayd etdi.

Shu tariqa og‘ir vazn toifasida reytingning birinchi raqamli bokschisi keyingi bosqichga yo‘l oldi. Chorak finalda 27 yoshli Jalolov Satish Kumar (Hindiston) va Rikardo Braun (Yamayka) juftligi g‘olibi bilan kuch sinashadi.