Turkiya hukumati Marmar dengizini shilimshiq moddalardan tozalash bo‘yicha keng ko‘lamli operatsiyani boshladi. Ushbu moddalar suv havzasining oqova suvlar bilan isloflanishi tufayli hosil bo‘lgan.
Foto: AP Photo
“Bugun biz baliqlarga, barcha tirik mavjudotlarga va butun ekologiyaga tahdid soluvchi shilimshiq moddalardan dengizni tozalash bo‘yicha Turkiya tarixidagi eng yirik operatsiyani boshlaymiz”, — dedi atrof-muhitni muhofaza qilish vaziri Murat Kurum.
Uning so‘zlariga ko‘ra, 2021-yil oxiriga qadar Marmar dengizi muhofazadagi hudud deb e’lon qilinadi. Tegishli taklif Turkiya prezidentiga imzolash uchun taqdim etiladi.
Tozalash ishlariga davlat xizmatchilari ham jalb qilingan. Nasoslar va boshqa texnik vositalar yordamida yig‘ilgan shilimshiq moddalar utilizatsiya uchun yuboriladi. Tozalash bilan g‘avvoslar shug‘ullanadi, shuningdek, suzuvchi to‘r to‘siqlardan ham foydalaniladi.
Avvalroq turkiyalik olimlar dengiz o‘tlari shilimshig‘i Marmar dengizida keng tarqalgani haqida xabar bergan edi: u nafaqat dengiz yuzasida, balki suv tubida ham tarqalgan gelga o‘xshash modda.
“Biz ilgari bunday hodisani bu qadar katta miqyosda ko‘rmagan edik”, — dedi Turkiyaning Yaqin Sharq texnika universiteti direktori Barsh Saliho‘g‘lu. Uning so‘zlariga ko‘ra, dengiz suvidagi kislorod darajasi jiddiy tarzda pasaygan, bu esa tezkor choralarni talab etadi.
Marmara dengizinining Istanbuldagi qirg‘oqlarini qalin shilimshiq modda qoplagan. Gelga o‘xshash moddalar dengiz hayotiga tahdid soladi, shuningdek, baliqchilarga xalaqit qiladi.
Foto: EPA
Mutaxassislarning fikricha, dengiz o‘simligi shilimshig‘ining paydo bo‘lishi va tarqalishining sababi iqlim o‘zgarishi va suvning ifloslanishidir.
Foto: “TASS”
Tabiiyki, fitoplanktonlar o‘sib ketavergani sari, kulrang-yashil tusdagi zich massa tabiiy ravishda hosil bo‘ladi
Foto: EPA
G‘avvoslarning aytishicha, baliq va boshqa dengiz hayoti kislorod yetishmasligi tufayli nobud bo‘lmoqda. Chig‘anoqlar, dengiz yulduzlari va midiya ham xavf ostida.
Foto: Getty Images
Turkiya qirg‘og‘ida shilimshiq moddalar birinchi marta 2007-yilda topilgan, ammo ular Gretsiya qirg‘oqlari yaqinidagi Egey dengizida ham qayd etilgan.
Foto: Getty Images
Kemalar shilimshiq bilan qoplangan suvdan o‘tishda qiyinchilikka duch keladi. Ko‘plab baliqchilar dengizga chiqishdan bosh tortmoqda, chunki modda qayiq motorlariga ilashib qoladi.
Foto: AP Photo
Egeyni Qora dengiz bilan bog‘laydigan Marmar dengizini qoplagan shilimshiqning hozirgi ko‘lami tarixdagi eng yirigi hisoblanadi.
Foto: EPA
Foto: Getty Images
Foto: AP Photo
