Internetda hamyonbop Samsung Galaxy S21 FE’ning suratlari anonsidan oldin tarqalib ketdi

Evan Blass ismli taniqli insayder Samsung’ning yangi smartfoni — S21 flagmanining arzonlashtirilgan versiyasiga aylanuvchi Galaxy S21 FE’ning rasmiy tasvirlari bilan bo‘lishdi, deb xabar beradi Hi-Tech.Mail.ru.

Smartfon o‘zidan oldingi modellar kabi dizayn va plastikdan ishlangan korpusga ega bo‘lgan, faqat yorqin rangli variantlarga ega ranglar jamlanmasi mavjud.

Oldinroq tarqalgan ma’lumotlarga ko‘ra, Galaxy S21 FE smartfoni Full HD sifat va 120 gertsli yangilanish chastotasiga ega 6,4 dyuymli displey, Snapdragon 888 protsessori, 6 yoki 8 gigabayt tezkor va 128/256 gigabayt ichki xotira, shuningdek, sig‘imi 4500 mA/soat akkumulyator bilan jihozlanadi.

Aftidan Samsung smartfon kamerasi va boshqa u qadar ahamiyatli bo‘lmagan detallardan tejab qoladi. Biroq hozircha bu borada aniq ma’lumot yo‘q.

Janubiy Koreyaning Herald Corp nashrini  yozishicha, Galaxy S21 FE bundan oldingi S20 FE’dan arzonroq bo‘ladi — 630 AQSh dollari atrofida.

Avvalroq S Pen’ga ega Galaxy S21 Ultra o‘zini oqlamagani, shu sababli Samsung kompaniyasi Galaxy Note’ni qaytarishi ma’lum bo‘lgandi.