Janubiy Koreyaning Samsung kompaniyasi 2022-yilda Galaxy Note smartfonlari seriyasini qayta ishlab chiqarishi kutilmoqda, deb xabar beradi IXBT.
Mart oyida Samsung Electronics bosh direktori Don Chjin Ko kompaniya lineykasidagi yangi modellarni ishlab chiqarish grafigini o‘zgartirgani, biroq undan voz kechmaganini ma’lum qilgandi. Endi esa Samsung Galaxy Note seriyasini bozorga keyingi yili qaytarishi ma’lum bo‘ldi.
Insayderlik ma’lumotlariga ko‘ra, bozorning S Pen stilusiga ega Samsung Galaxy S21 Ultra smartfonini ishlab chiqarishga bo‘lgan reaksiyasi kompaniya kutganidek bo‘lib chiqmagan. Qurilma savdosi rejadagidan kam bo‘lgan, shu sababli Samsung’ning Galaxy Note’ni qaytarish kerakligiga ishonch hosil qilgan.
Eslatib o‘tamiz, yangi Galaxy S21 Ultra’ning stilusni saqlashga mo‘ljallangan sloti yo‘q, shu bilan birga, S Pen stilusining smartfonda qo‘llanilishi cheklangan (gadjet Bluetooth orqali smartfon bilan bog‘lana olmaydi, shu sababli boshqaruv funksiyalari ishlamaydi).
Bundan tashqari, S Pen stilusini qo‘llab-quvvatlash funksiyasi buklanadigan ekranga ega yangi Galaxy Z Fold 3 smartfoniga ham qo‘shiladi. Biroq ushbu qurilmada ham stilusni saqlaydigan joy bo‘lmaydi.
Avvalroq Samsung Galaxy S22 200 megapikselli kameraga ega birinchi smartfonga aylanishi to‘g‘risida xabar berilgandi.
Izoh (0)