Bugun,

  • USD 11095.31
  • RUB 173.84
  • EUR 10772.44

Bosh prokuratura ijtimoiy tarmoqlarda Andijon viloyatining Oltinko‘l tumanida kelin qaynonasini joynamoz ustida ketmon bilan chopib o‘ldirgani yuzasidan tarqalgan xabarlarga munosabat bildirdi.

Foto: “Daryo” / Madina Nurman

Foto: “Daryo” / Madina Nurman

Ma’lum qilinishicha, holat yuzasidan Jinoyat kodeksining 104-moddasi 3-qismi “d” bandi (jabrlanuvchining o‘lishiga sabab bo‘lgan qasddan badanga og‘ir shikast yetkazish) bilan qo‘zg‘atilgan jinoyat ishi yuzasidan Oltinko‘l tumani IIB tergov bo‘linmasi tomonidan tergov harakatlari olib borilmoqda.

Bosh prokuratura matbuot xizmatining “Daryo”ga ma’lum qilishicha, mazkur fojia 2021-yilning 14-aprel kuni Oltinko‘l tumani “Markaz” mahallasidagi Maorif ko‘chasida sodir bo‘lgan.

Ma’lumotlarga ko‘ra, M.E. ismli erkak 14-aprel kuni soat 17:42 larda o‘zi yashab kelayotgan xonadonda istiqomat qiluvchi 79 yoshli ayol bilan xonadonni devor orqali bo‘lish masalasida tortishib qolgan. M.E. qo‘lida bo‘lgan ketmon bilan ayolning bosh qismiga urib, og‘ir tan jarohati yetkazgan va uning o‘limiga sababchi bo‘lgan. M.E. — marhumaning sobiq kelini bilan turmush qurgan qo‘shni erkak.

Hodisa joyi katta tergovchi Sh.Tojiboyev tomonidan ko‘zdan kechirilib, bayonnoma rasmiylashtirilgan, hodisa joyi chizmasi va fotojadvallari tuzilgan. Ko‘zdan kechirish davomida 2 dona xo‘jalik ketmoni, 1 dona temir ketmon va qonga o‘xshash dog‘lardan namunalar olingan, shuningdek, ayolning murdasi mutaxassis ishtirokida ko‘zdan kechirilgan.

Ish bo‘yicha 14-aprel kuni marhumning murdasi bo‘yicha sud-tibbiy ekspertiza tayinlanib, ekspertning 19-maydagi 128-sonli xulosasi olinib, ish hujjatlariga qo‘shilgan.

Ekspert xulosasida jabrlanuvchi bosh miya yopiq shikasti, bosh gumbaz va asos suyaklarining ochiq sinishi, bosh miya to‘qimasining majaqlanishi, bosh miya lat yeyishi, bosh miya to‘qimasiga qon quyilishi, uzunchoq miya, miyacha, o‘rta miya va orqa miya bo‘yin sohalari pardalari ostiga, miya to‘qimalariga o‘choqli qon quyilishlari, bosh o‘ng chakka tepa sohasida chopilgan va lat yeb yirtilgan yaralar, bosh o‘ng chakka tepa sohasida teriosti qon quyilishi, o‘ng ko‘z yuqori va pastki qovoqlar, o‘ng quloq suprasi sohalarida shilinma va qontalashlar, o‘ng qo‘l 5-kaft suyagining ochiq sinishi, chap va o‘ng qo‘l o‘ng yon bosh sohalarida shilinmalar, qontalashlar aniqlangani, ushbu jarohatlar uning o‘limiga sababchi bo‘lganligi ko‘rsatilgan.

Gumon qilinuvchi M.E.dan 14-aprel kuni olingan qon namunasi bo‘yicha o‘tkazilgan sud-kimyoviy ekspertizasining 5-maydagi 122-sonli xulosasida taqdim etilgan qon namunasi tarkibida 1,5 foiz etil spirti borligi aniqlangan.

M.E. Jinoyat-protsessual kodeksning 221-moddasi tartibida ushlanib, unga nisbatan 15-aprel kuni Jinoyat kodeksining 104-moddasi (qasddan badanga og‘ir shikast yetkazish) 3-qismi “d” bandi bilan ayb e’lon qilingan va qamoqqa olish tarzidagi ehtiyot chorasi tanlangan.

Ayblanuvchi M.E. o‘zining ko‘rsatmasida jabrlanuvchi yashash xonadonidan ketmon olib chiqib, “voy-dod meni uryapti” deb baqirgani sababli baribir tuhmatda qolaman deya o‘ylab, qo‘lidagi ketmon bilan ayolning boshiga bir marotaba urganini bildirgan.

Biroq ish bo‘yicha asosiy guvoh hisoblangan O‘.U. ayblanuvchi M.E. yashash xonadoni ichkarisida ustalar bilan janjallashib, ularni quvlab ko‘chaga ketmon bilan chiqqanini bildirgan. Ta’kidlanishicha, M.E. shu vaqtda ko‘chada marhuma turganini ko‘rib, uning oldiga ketmon bilan yugurib borgan va bir marta ketmonning kesuvchi qismi bilan ayolning boshiga urgan. Shundan so‘ng erkakning qo‘lidagi ketmonni o‘sha yerda bo‘lgan ustalar uning qo‘lini qayirib, olib qo‘ygan va M.E.ni ichki ishlar xodimlariga topshirgan.

Tergov davomida ish bo‘yicha holatga guvoh bo‘lgan qo‘shimcha guvohlar hamda marhumaning qizi guvoh tariqasida so‘roq qilinib, jabrlanuvchi va fuqaroviy da’vogar sifatida ishtirok etishga jalb qilingan.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
Markaziy bank raisining kripto-aktivlar bo‘yicha ma’lumoti rad etildi