Bugun,

  • USD 11095.31
  • RUB 173.84
  • EUR 10772.44

Turkmanistonda 26-aprel kuni mamlakat prezidenti Gurbanguli Berdimuhamedov videoselektor yig‘ilishini o‘tkazdi. Bu haqda “Xronika Turkmenistana” xabar berdi.

Foto: “Xronika Turkmenistana”

Foto: “Xronika Turkmenistana”

Ashxobod meri Yaztagan Gilijov va qurilish-sanoat majmuasi masalalari bo‘yicha bosh vazir o‘rinbosari Shomuhammad Durdiliyev Ashxobodning 140 yilligi va mamlakat mustaqilligining 30 yilligi bayramlari, shuningdek, ushbu sanalarda ochilishi kerak bo‘lgan obyektlar haqida hisobot berdi.

Prezident poytaxtda qurilayotgan “Toshkent” istirohat bog‘ining qurilishiga alohida e’tibor qaratdi. Bosh vazir o‘rinbosari loyihalarni ishlab chiqish bo‘yicha ishlar amalga oshirilgani, tenderlarning bir necha bosqichlari o‘tkazilgani va hozirda “yakuniy tenderga tayyorgarlik ko‘rilayotgani” haqida ma’lum qildi. Berdimuhamedov bog‘ning maqsadi haqida unutmaslikni aytib, poytaxt ma’muriyatiga loyihaning buyurtmachisi bo‘lishni buyurdi.

Hududlar rahbarlarining hisobotidan keyin prezident yerlarni suv bilan ta’minlash va ularni mineral moddalar bilan o‘g‘itlash masalalarini hal qilishni, paxta, bug‘doy, sabzavotlar va poliz mahsulotlarini parvarishlashni, shuningdek, ijtimoiy va ishlab chiqarish obyektlarining o‘z vaqtida qurib bitkazilishini nazorat qilishni topshirdi.

17-fevral kuni Gurbanguli Berdimuhamedov O‘zbeksiton tashqi ishlar vaziri Abdulaziz Komilovni qabul qilib, Ashxobodda “Toshkent” istirohat bog‘i ochilishini aytgan edi.

18-fevral kuni “Neytralniy Turkmenistan” gazetasi Qurilish va arxitektura vazirligi Ashxobod hokimligining buyurtmasi bilan “Toshkent” istirohat bog‘ining qurilishi uchun tender e’lon qilgani va arizalarning 5-aprelgacha qabul qilinishi haqida xabar berdi.

17-mart kuni Toshkent shahar hokimi Jahongir Ortiqxo‘jayev boshchiligidagi delegatsiya rasmiy tashrif bilan Ashxobodga bordi va “Toshkent” istirohat bog‘ining dastlabki qurilish loyihasi bilan tanishdi.

Ma’lumot uchun, 18-aprel, yakshanba kuni Turkmaniston prezidenti Gurbanguli Berdimuhamedovning otasi Malikguli Berdimuhamedov 89 yoshida vafot etdi. Shundan buyon Berdimuhamedov birinchi marta omma oldida ko‘rinish berdi.

Qozog‘iston prezidenti Qosim-Jo‘mart To‘qayev Turkmaniston prezidenti Gurbanguli Berdimuhamedovga otasining vafoti munosabati bilan hamdardlik telegrammasini yubordi.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi