Optik illyuziya: osmonda uchayotgan “mushuk” suratga olindi

Ta’til vaqtida Gavayiga dam olish uchun kelgan amerikalik Bob Uayt osmonda uchayotgan noodatiy qushni payqab qoldi, deb xabar beradi Pets.Mail.ru.

Uaytning so‘zlariga ko‘ra, bu Gavayi g‘ozi hisoblanadi (dunyoda ushbu turdan 2,5 mingga yaqin qolgan). Erkak bunga qadar ushbu qushni faqat suratlarda ko‘rgan, shu sababli uni tanib qolib, suratga olishga qaror qilgan.

Uayt telefoni yordamida qushni tezda kadrlarga tushirgan, biroq olingan suratga qarab kulib yuborgan. Chunki suratda uchayotgan g‘oz emas, balki mushuk tasvirlanib qolgan. “Mushukning boshini ko‘ra olmadim, shu sababli suratni e’lon qildim”, — deb yozadi erkak Facebook’dagi postiga.

Ma’lum bo‘lishicha, Uayt telefonini ochguniga qadar g‘oz uzoqroqqa uchib ketishga ulgurgan. Shu sababli qushning dum tuklari mushuk yuziga, burni va tumshug‘i — dumga aylanib qolgan.

Avvalroq ijtimoiy tarmoqlarda it yoki erkak tasviri noaniq bo‘lgan surat bir qancha muhokamalarga sabab bo‘lgandi.