Bugun,

  • USD 11095.31
  • RUB 173.84
  • EUR 10772.44

17-aprel kuni Alisher Navoiy nomidagi kinosaroyda O‘zbekiston kinematografiya agentligi buyurtmasiga binoan suratga olingan “Orzular qanotida” yangi myuzikl komediyaning katta premyerasi bo‘lib o‘tadi.

Yorqin ijrolar, kulgili vaziyatlar bilan pozitiv kayfiyat bag‘ishlovchi qiziqarli voqealar, qahramonlarning o‘zgacha ijrosi, sevimli musiqa — bularning barchasi “Orzular qanotida” kinokartinasida mujassam.

Har bir inson hayotda o‘z orzulari qanotida yashaydi, o‘zi bosib o‘tgan hayot yo‘lini faqat rangli orzular bilan tasavvur qiladi. Rejissor Ergash Mo‘minov o‘zining “Orzular qanotida” nomli yangi musiqiy komediyasini shu mavzularga bag‘ishlagan.

Filmning barcha voqealari tushda sodir bo‘ladi. Bosh qahramon, professor Olimov korxonaga kelib, xodimlarni 10 yoshga yoshartirmoqchiligini aytadi. Uning bu kashfiyotiga barcha rozi bo‘ladi. Xodimlar xayolan 10 yil orqaga qaytadi, professor ularni zimdan kuzatadi va ko‘plab xulosalar qiladi. So‘ng odamlarni yoshartirish niyatidan qaytadi. Film oxirida tush ko‘rayotgan Shukur (Farhod Abdullayev) cho‘chib, uyg‘onib ketadi va hammasi tushdagi ro‘yo ekaniga amin bo‘ladi.

Filmdagi jozibali kuy-qo‘shiqlar ishtirokidagi qizg‘in voqealar, shokka tushib qolgan xodim Shukur akaning ong osti olamida yuz beradi. Oradan biroz vaqt o‘tgach, eski uylar buzilib, yangi shahar bunyod bo‘ladi. Eskicha qoloq fikrlar o‘rnini ilm-ma’rifat egallaydi.

Filmda taniqli aktyorlar — Muhammadsoli Yusupov, Zuhra Ashurova, Farhod Abdullayev, Begzod Hamrayev, Tolib Mo‘minov, Feruza Sobitova, Sevara Soliyeva, Xurshida Arabshoyeva, Umid Hamdamov rollar ijro etgan. Ssenariy mualliflari Nurillo Abbosxon va Rinat Galiyev, postanovkachi operator Avaz Tillayev.

Kino ixlosmandlari, OAV vakillari — barchani katta premyeraga taklif etamiz.

Reklama huquqi asosida.

Izoh
Asosiy yangiliklar
Iqtisodiyot
O‘zbekistonda yanvar oyida kimlarga eng yuqori maosh taklif qilindi?
Dunyo
“Rossiya yutqazadi, Ukraina g‘alabasi dunyoni o‘zgartiradi”: Zelenskiy Buyuk Britaniya parlamentida nutq so‘zladi (video)
Mahalliy
Qoraqalpog‘istondagi uyda gaz portlashi oqibatida bir kishi vafot etdi