UzReport va Futbol-TV telekanallari bir qator musobaqalar translyatsiyasi huquqini sotib olganini e’lon qildi.

Foto: UzReport

Telekanal rasmiy saytida ma’lum qilinishicha, JCh—2022 Osiyo mintaqasi saralashi, Osiyo Kubogi—2023, Osiyo Chempionlar Ligasi, OFK Kubogi, yoshlar o‘rtasidagi Osiyo chempionatlari va OFK mintaqasidagi qator boshqa musobaqalar translyatsiya huquqi qo‘lga kiritilgan.

E’tiborlisi, UzReport OFK doirasidagi musobaqalarning ko‘p yillik translyatsiya huquqini qo‘lga kiritgan. Ya’ni mavsumiy musobaqalar 2024-yilga qadar sotib olingan.

Ma’lumot uchun, shu vaqtga qadar OFK doirasidagi musobaqalar asosan O‘zMTRKga qarashli “Sport” telekanali orqali efirga uzatilar edi.

Avvalroq “Sport” telekanali Futbol-TV tomonidan bir necha yildan buyon translyatsiya qilinayotgan Yevropa Chempionlar Ligasi va Yevropa Ligasi musobaqalari 2021/22-yilgi mavsumi translyatsiya huquqini qo‘lga kiritganini e’lon qilgandi.

UzReport va Futbol-TV telekanallari tomonidan translyatsiya huquqi xarid qilingan musobaqalar:

  • Osiyo Kubogi—2023
  • JCh—2022 Osiyo saralashining so‘nggi bosqichi
  • U-23 Osiyo chempionati (2022 va 2024-yil)
  • Ayollar o‘rtasidagi Osiyo Kubogi—2022
  • OFK Birdamlik Kubogi—2024
  • OFK Chempionlar Ligasi 2021, 2022, 2023 va 2024-yilgi mavsum (guruh bosqichi, pley-off bosqichi va final)
  • OFK Kubogi 2021, 2022, 2023, 2024 (guruh bosqichi, pley-off bosqichi va final)
  • U-20 Osiyo chempionati—2023 finali
  • U-17 Osiyo chempionati—2023 finali
  • Ayolar o‘rtasidagi U-20 Osiyo chempionati (2022 va 2024) finallari
  • Ayolar o‘rtasidagi U-17 Osiyo chempionati (2022 va 2024) finallari
  • Futzal bo‘yicha Osiyo chempionati (2022 va 2024) finallari
  • Futzal bo‘yicha Klublar o‘rtasidagi Osiyo chempionati (2021, 2022, 2023, va 2024 yil) finallari.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!