O‘zbekistondan tashqarida turib mamlakat fuqarolarining ma’lumotlarini saqlaydigan saytlar jarimaga tortilishi mumkin. Bu haqda “O‘zkomnazorat” tomonidan muhokamaga qo‘yilgan qonun loyihasida belgilangan.
Ma’lum qilinishicha, Axborotlashtirish va telekommunikatsiyalar sohasida nazorat bo‘yicha davlat inspeksiyasi (“O‘zkomnazorat”) O‘zbekiston fuqarolarining shaxsiy ma’lumotlarini saqlash qoidalarini buzganlik uchun javobgarlikni belgilaydigan qonun loyihasini (Ma’muriy javobgarlik to‘g‘risidagi kodeksning 46-moddasi va Jinoyat kodeksining 141-moddasi) muhokamaga qo‘ydi.
Taklif qilinayotgan tuzatishlarga ko‘ra, bunday saytlarning ishi cheklab qo‘yiladi, shuningdek, ma’lumotlar bazasi egalari yoki operatorlari BHMning 40 dan 70 baravarigacha (9,8 million so‘mdan 17,1 million so‘mgacha) jarimaga tortiladi.
Bundan avval O‘zbekistonda shaxsga doir ma’lumotlarni noqonuniy tarqatganlik uchun jinoiy javobgarlik kuchaytirilishi mumkinligi hamda O‘zbekiston fuqarolarining shaxsiy ma’lumotlarini mamlakatda saqlash majburiy bo‘lishi haqida xabar berilgandi.
Izoh (0)