Oliy va o‘rta maxsus ta’lim vazirligi 2021-yilgi Navro‘z bayramida talabalar va OTMlarda faoliyat yuritayotgan o‘qituvchilar necha kun dam olishini ma’lum qildi.
Qayd etilishicha, ish haftasining davomiyligidan qat’iy nazar barcha qatori oliy va o‘rta maxsus ta’limi tizimida faoliyat yuritayotgan professor-o‘qituvchilar, rahbar-xodimlar hamda talaba-o‘quvchilar Navro‘z bayrami munosabati bilan ketma-ket 3 kun dam oladi.
Jumladan:
- 20-mart — shanba (barcha uchun dam olish kuni);
- 21-mart — yakshanba (Navro‘z bayrami);
- 22-mart — dushanba (barcha uchun dam olish kuni — haftasiga 5 kun ishlaydigan xodimlar uchun 27-mart (shanba)dagi dam olish kuni ko‘chirilgan).
Eslatib o‘tamiz, O‘zbekistonda 2021-yilgi Navro‘z bayramida ish haftasining davomiyligidan qat’i nazar, barcha xodimlar ketma-ket 3 kun dam oladi. Mamlakatdagi Navro‘z bayrami tadbirlari karantin qoidalariga amal qilgan holda mahallalarda tashkil etiladi.
Avvalroq O‘zbekiston maktablarida bahorgi ta’til 20-martdan boshlanishi ma’lum qilingan edi.
Izoh (0)