Belarus bosh vaziri o‘rinbosari Aleksandr Subbotin boshchiligidagi delegatsiyasi 3—5-mart kunlari O‘zbekistonga tashrif buyuradi. Bu haqda Belarusning Toshkentdagi elchixona matbuot xizmati xabar berdi.
Delegatsiya ikki tomonlama hamkorlik bo‘yicha qo‘shma hukumatlararo komissiyaning 8-yig‘ilishida va o‘zbek—belarus ishbilarmonlar kengashining yig‘ilishida ishtirok etadi. Bundan tashqari, O‘zbekiston Vazirlar Mahkamasi, vazirliklar va idoralarda muzokaralar, shuningdek, Tashqi ishlar vazirliklarida siyosiy maslahatlashuvlar o‘tkaziladi.
Delegatsiya a’zolari Belarus sheriklari bilan hamkorlik olib borayotgan O‘zbekistondagi o‘zbek—belarus qo‘shma korxonalari va kompaniyalariga tashrif buyuradi. Shuningdek, ular mintaqalararo hamkorlikni kengaytirish va kooperatsiya loyihalarini amalga oshirish bo‘yicha muzokaralar o‘tkaziladigan Olmaliq hamda Samarqandga boradi.
Delegatsiya tarkibidan sanoat, qishloq xo‘jaligi va oziq-ovqat, ta’lim, tashqi ishlar, transport va aloqa, sog‘liqni saqlash vazirliklari, Davlat standarti, Milliy Fanlar akademiyasi va Belarusning boshqa idoralar rahbarlari o‘rin olgan. Delegatsiyaning ishbilarmonlik qismiga mashinasozlik, yengil, oziq-ovqat va farmatsevtika sanoati korxonalari rahbarlari hamda universitetlar rektorlari bilan uchrashadi.
Belarus tomonining ma’lumotlariga ko‘ra, 2020-yilda O‘zbekiston va Belarus o‘rtasidagi savdo hajmi 280,1 million AQSh dollarini tashkil etgan (2019-yilga nisbatan +17,1% foiz), shu jumladan, Belarus tovarlari importi 237,5 million AQSh dollarini tashkil etgan, O‘zbekiston tovarlarining Belarusga eksporti — 42,6 million dollar.
Eslatib o‘tamiz, O‘zbekiston Prezidenti Shavkat Mirziyoyevning Belarusga rasmiy tashrifi doirasida imzolangan O‘zbekiston hukumati bilan Belarus hukumati o‘rtasidagi mintaqalararo hamkorlik to‘g‘risida bitim 2021-yil 18-fevraldan kuchga kirgan.
Izoh (0)