Bugun,

  • USD 11095.31
  • RUB 173.84
  • EUR 10772.44

Futbol bo‘yicha Yevropa Ligasining 1/16 final bosqich dastlabki bahsidan o‘rin olgan bir qator uchrashuvlar 18-fevral, payshanba kuni bo‘lib o‘tdi.

Foto: Twitter

Foto: Twitter

“Manchester Yunayted” Turinda “Real Sosyedad”ga qarshi bahs yuritdi. Inglizlarning yaqqol ustunligida o‘tgan uchrashuvda Brunu Fernandesh 27 va 57-daqiqalarda dubl qayd etdi. 64-daqiqada Markus Reshford “qizil iblislar”ning 3-golini kiritdi. Bahsning so‘nggi daqiqalarida Deniel Jeyms yakuniy nuqtani qo‘ydi — 0:4.

“Milan” Serbiyaning “Srvena Zvezda” jamoasi mehmoni bo‘ldi. Uchrashuvda jangovar durang qayd etildi. Bellashuvning birinchi bo‘limi “Srvena Zvezda” a’zosi Radovan Pankovning avtogoli bilan yakunlandi. 52-daqiqada Gelor Kanga hisobni tenglashtirdi. Oradan 9 daqiqa o‘tib, Teo Ernandes penaltidan aniq foydalangan holda Milan jamoasini oldinga olib chiqdi. Uchrashuvning so‘nggi daqiqasida serbiyalik futbolchi Milan Pavkov gol kiritib, jamoasini mag‘lubiyatdan qutqarib qoldi.

Ushbu bosqichda “Tottenhem” Avstriyaning “Volfsberg” jamoasi bilan to‘qnash keldi. Bellashuvning 13-daqiqasida Son Hyon Min angliyaliklarni hisobda oldinga olib chiqqan bo‘lsa, 28-daqiqada Garet Beyl jamoasining ikkinchi golini urdi. 4 daqiqa o‘tib Lukas Moura hisobni yirik ko‘rinishga olib keldi. “Volfsberg” ushbu gollarga 55-daqiqada Mixail Lindlning yagona goli bilan javob qaytardi. Karlos Vinisius “Tottenhem”ning 4-golini 88-daqiqada kiritdi.

Mazkur qarama-qarshiliklarning javob uchrashuvlari 26-fevral kuni bo‘lib o‘tishi rejalashtirilgan.

Yevropa Ligasi

1/16 final dastlabki bahslari

18-fevral, payshanba

“Real Sosyedad” Ispaniya — “Manchester Yunayted” Angliya 0:4

Gollar: 0:1 – 27 Brunu Fernandesh, 0:2 – 57 Brunu Fernandesh, 0:3 – 64 Reshford, 0:4 – 90 Jeyms.

“Real Sosyedad”: Remiro, Le Norman, Saldua (Gorosabel, 73), Monreal, Subeldiya, Merino, Silva, Yanuzay (Portu, 80), Ilyarramendi (Gevara, 74), Oyarsabal (Bautista, 86), Isak (Barrenechea, 80).

“Manchester Yunayted”: Henderson, Uan-Bissaka, Maguayr, Bayi, Telles, Fred, Jeyms, Maktominey (Matich, 60), Brunu Fernandesh (Mata, 83), Reshford (Marsyal, 68), Grinvud (Diallo, 83).

Ogohlantirishlar: Uan-Bissaka (8), Le Norman (88).

“Srvena Zvezda” Serbiya — “Milan” Italiya 2:2

Gollar: 0:1 – 42, avtogol Pankov, 1:1 – 52, penalti Kanga, 1:2 – 61, penalti Teo, 2:2 – 90 Pavkov.

“Srvena Zvezda”: Boryan, Rodich, Milunovich, Degenek, Gobelich (Gayich, 74), Ivanich (Bakayoko, 80), Kanga, Ben-Nabuan (Falko, 62), Petrovich (Sanogo, 81), Pankov, Falchinelli (Pavkov, 81).

“Milan”: Donnarumma, Romanyoli, Tomori, Kalulu, Teo (Diogu Dalot, 78), Bennaser (Tonali, 39), Krunich, Kastilyexo, Meyte, Rebich (Rafael Leau, 46), Manjukich (Chalxono‘g‘lu, 82).

Ogohlantirishlar: Romanyoli (51), Milunovich (54), Rodich (57), Manjukich (71), Donnarumma (90).

Chetlatish: Rodich (77).

“Volfsberg” Avstriya — “Tottenhem” Angliya 1:4

Gollar: 0:1 – 13 Son Hyon Min, 0:2 – 28 Beyl, 0:3 – 34 Lukas Moura, 1:3 – 55, penalti Lindl, 1:4 – 88 Vinisius.

“Volfsberg”: Kofler, Sherser, Lochoshvili, Novak (Pavelich, 81), Baumgartner, Lindl, Taferner (Henriksson, 46), Shprangler (Giorbelidze, 65), Vernitsnig, Vizinger (Shtratsnig, 46), Yovelich (Deng, 65).

“Tottenhem”: Loris, Alderveyreld, Devis, Doerti, Dayer, Sissoko (Hyoybyerg, 78), Alli (Ndombele, 78), Beyl (Lamela, 64), Lukas Moura (Bergveyn, 65), Son Hyon Min (Vinisius, 46), Uinks.

Ogohlantirishlar: Alli (42), Sissoko (54), Shprangler (62), Hyoybyerg (81).

 “Yang Boyz” Shveysariya — “Bayer” Germaniya 4:3

Gollar: 1:0 – 3 Fassnaxt, 2:0 – 19 Sebatsho, 3:0 – 44 Elia, 3:1 – 49 Shik, 3:2 – 52 Shik, 3:3 – 68 Diabi, 4:3 – 89 Sebatsho.

 “Olimpiakos” Gretsiya – PSV Niderlandiya 4:2

Gollar: 1:0 – 9 Buxalakis, 1:1 – 14 Zaxavi, 2:1 – 37 Mvila, 2:2 – 39 Zaxavi, 3:2 – 45 al-Arabi, 4:2 – 83 Masuras.

“Slaviya” Chexiya — “Lester” Angliya 0:0

“Braga” Portugaliya – “Roma” Italiya 0:2

Gollar: 0:1 – 5 Jeko, 0:2 – 86 Mayoral.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova