Talabalarga Tojikiston bilan chegarada joylashgan “Jartepa” chegara bojxona posti orqali harakatlanishga ruxsat berildi. Bu haqda Samarqand viloyati bojxona boshqarmasi ma’lumotlariga asoslanib Zarnews xabar bermoqda.
Qayd etilishicha, talabalar 17-fevraldan boshlab Urgut tumanida Tojikiston bilan chegarada joylashgan “Jartepa” chegara bojxona posti orqali harakatlanishlari mumkin.
Pandemiya sababli talabalar Tojikistonga faqatgina “Sariosiyo”, “Oybek” va “Plotina” chegara o‘tkazish punktlari orqali harakatlanishi mumkin edi.
Eslatib o‘tamiz, yanvar oyi boshida “Jartepa” nazorat-o‘tkazish punkti Samarqand viloyatida faoliyat ko‘rsatayotgan korxonalarning eksport-import operatsiyalari uchun ochilgandi.
Bundan avval Tojikistonda tahsil olayotgan o‘zbekistonlik talabalarning mamlakatga kirishiga ruxsat berilgani hamda O‘sh—Toshkent yo‘lining Xo‘janddan o‘tgan qismi ochilishi mumkinligi haqida xabar berilgandi.
Izoh (0)