Bugun,

  • USD 11095.31
  • RUB 173.84
  • EUR 10772.44

Farg‘ona viloyatining So‘x tumanida o‘ndan ortiq foydali qazilma konlari aniqlangan. Bu konlarni o‘zlashtirishga mahalliy tadbirkorlar va xorijiy investorlarni jalb etish rejalashtirilgan. Biroq tumanning anklav hudud ekanligi ayrim muammolarga sabab bo‘lmoqda.

Foto: “Daryo”

Foto: “Daryo”

Bu haqda Farg‘ona viloyati hokimi Xayrullo Bozorov viloyatda 2020-yilda amalga oshirilgan ishlar yakuni va 2021-yildagi ijtimoiy-iqtisodiy rivojlantirish masalalari bo‘yicha xalqqa qilgan murojaatida ma’lum qildi, deya xabar berdi “Daryo” muxbiri.

“2020—2021-yillarda So‘x tumanini kompleks ijtimoiy-iqtisodiy rivojlantirish chora-tadbirlari dasturining ijrosiga alohida e’tibor qaratilmoqda. Dastur asosida tumanda juda katta ishlar amalga oshiriladi. So‘x tumanida o‘ndan ortiq foydali qazilmalar aniqlangan. Endi ularni o‘zlashtirish va ishlab chiqarishni yo‘lga qo‘yish uchun investitsiya masalasini o‘ylayapmiz. Hozirda bu bo‘yicha ijtimoiy tarmoqlarda, telekanallarda e’lonlar berilgan. Xorijiy davlatlardagi so‘xlik vatandoshlarimizni ham shu kabi istiqbolli loyihalarga taklif etish kerak.

Nasib qilsa, yaqin vaqtlarda tumanga yo‘l ochish masalasi ham hal bo‘ladi. Viloyatimizga Qirg‘izistondan delegatsiya keldi. Ular bilan yo‘l masalasida, yaxshi qo‘shnichilik mavzularida gaplashdik. So‘xga sarmoya kiritaman, degan investorlar bor, ammo tuman anklav hudud ekani sal muammo bo‘lib turibdi. Aslida bu ishlarga So‘xning o‘zidan tadbirkorlarni jalb etsak, yaxshi bo‘lardi. Biz bu tadbirkorlarni har tomondan qo‘llab-quvvatlashga tayyormiz”, — degan viloyat hokimi o‘z murojaatida.

Foto: “Daryo”

Foto: “Daryo”

Viloyat hokimining ta’kidlashicha, So‘x tumanida bugungi kunda qishloq xo‘jaligida foydalanmaydigan yerlarni o‘zlashtirish, oborotdan chiqib ketgan yerlardan samarali foydalanish bo‘yicha ham salmoqli ishlar amalga oshirilgan. Tumanning tog‘oldi va adir hududlariga suv chiqarish maqsadida Qayroq–1 va Qayroq–2 nasos stantsiyalari barpo etilmoqda. Mazkur ikkita nasos stantsiyasi ishga tushirilgach, 1500 gektarga yaqin yer o‘zlashtiriladi. O‘zlashtirilgan yerlar so‘xliklarga maqsadli tarzda bo‘lib beriladi. Kooperatsiya tuzilib, daromad keltiruvchi va foydali mahsulotlar yetishtiriladi.

Izoh
Asosiy yangiliklar
Iqtisodiyot
O‘zbekistonda 2022-yilda o‘rtacha oylik ish haqi qancha bo‘lgani ma’lum qilindi
Mahalliy
O‘zbekistonda so‘nggi olti yilda 122 ta yangi universitet va institut ochilgan. 2016-yilgacha ularning soni 77 ta edi
Dunyo
Pokistondagi masjidda xudkush terrorchi o‘zini portlatib yubordi, 25 kishi halok bo‘ldi (video)