Bugun,

  • USD 11095.31
  • RUB 173.84
  • EUR 10772.44

Rejissor Rustam Sa’diyevning “Yig‘lamagin” filmi 2009-yilning eng omadli kartinalaridan biri bo‘lgan. Ota-onasidan erta yetim qolgan Bibisora va Botirning ayanchli taqdiri haqidagi film bolalar nigohi orqali jamiyatdagi katta kamchiliklarni ko‘rsatadi.

Foto: Instagram / @mirafzal_mirakbarovich

Foto: Instagram / @mirafzal_mirakbarovich

Filmda Botir yerto‘lalarning birida yashovchi tengdoshi Murod bilan tanishib qoladi. Aslida bolalar uyining tarbiyalanuvchisi bo‘lgan Murod Bibisora va Botirga “hayot ilmidan” saboq berishga urinadi.

Jurnalist Nargiza Murodova filmning asosiy qahramonlaridan biri Murod rolini ijro etgan Mirafzal Shofayziyev bilan rolining yaralishi qanday kechganligi bilan qiziqdi.

Kinoga qadamim “Kelgindi kuyov”dan boshlangan

Oilamda san’atkorlar yo‘q, ammo uyimiz sobiq “Kinochilar uyi”ga yaqin bo‘lgani uchun kastinglarda ishtirok etishga qiziqardim.

2004-yili “Kelgindi kuyov” filmi uchun o‘tkazilgan kastingda ishtirok etganman. Bir necha oydan so‘ng “Kinochilar uyi” hovlisida tasodifan Rustam Sa’diyev bilan uchrashib qoldim. “Seni izladim, qoldirgan telefon raqaming ishlamas ekan”, dedi. Shundan keyin filmning so‘nggi sahnalarida kichik rolni ijro etdim. Oradan to‘rt yil o‘tib esa “Yig‘lamagin” filmiga taklif etishdi.

Foto: Instagram / @mirafzal_mirakbarovich

Foto: Instagram / @mirafzal_mirakbarovich

“Yig‘lamagin”da rol ijro etishga qiynalmaganman

Rejissor bolalar psixologiyasini yaxshi tushungani uchun suratga olish jarayonida qiynalmaganmiz, aksincha maroq bilan ishlaganmiz. Ammo o‘sha yili Toshkentda umuman qor yog‘magan. Shu bois, qor sahnalari Angrenning tog‘li hududda suratga olinishiga to‘g‘ri kelgan.

Foto: Instagram / @mirafzal_mirakbarovich

Foto: Instagram / @mirafzal_mirakbarovich

“Film ekran yuzini ko‘rgach, tomoshabinlardan biri meni asrab olmoqchi bo‘lgan”

Film katta ekranlarga chiqqach, mashhur ko‘rsatuvlardan biri ijodiy guruhni intervyuga chaqirgan. Shunda Rustam Sa’diyev “Yig‘lab bergin”, degandi. Nazarimda, bu topshiriq aktyorlik mahoratimni ko‘rsatish uchun berilgandi. Ko‘rsatuv efirga ketgach, Andijonda bir kishi kelib meni 22-sonli mehribonlik uyidan izlagan. Hatto “Murodni asrab olmoqchiman”, degan ekan. Rahbariyat rejissor bilan bog‘langan. Xullas, u insonga ota-onam borligi va faqatgina filmda yetim bola rolini ijro etganimni aytishgan. U inson “Filmni ko‘rgandan keyin bu bola hayolimdan ketmadi, farzandimdek katta qilaman”, deb niyat qilgandim, degan ekan.

Foto: Instagram / @mirafzal_mirakbarovich

Foto: Instagram / @mirafzal_mirakbarovich

“Oyog‘im sinib, bir yil to‘shakka mixlanib qolganman”

Film namoyishidan so‘ng bir yil to‘shakka mixlanib qoldim. Aynan tug‘ilgan kunimda yiqilib, oyog‘im sindi. Afsuski, uning bitishi nihoyatda qiyin kechdi. Oyoqqa turganimda esa anchagina to‘lishganimni sezdim. “Yig‘lamagin”dan so‘ng “E’tiqod” va “Osiy banda” filmi va bir qator kliplarda suratga tushdim. Keyinchalik o‘zimni aktyorlik sohasida emas, rejissorlikda ko‘roldim. Shu bois hozirgi kunda kliplar suratga olish bilan bandman.

Ma’lumot uchun, Mirafzal Shofayziyev 1996-yili Toshkent shahrida tug‘ilgan. Toshkent davlat madaniyat kollejining “Televideniye rejissorligi” bo‘limida tahsil olgan.

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi