“Daryo”ni Telegram’da o‘qing! Join!
17:52, 28.11.2020 76902

Bollivudning latofatli ko’rinishga ega 80 yoshdan oshgan aktrisalari (foto)

Ayol kishi hech qachon xunuk bo‘lmaydi, shunchaki yillar o‘tishi uning qiyofasida aks etib, yoshga xos o‘zgarishlar yuz bera boshlaydi. Quyidagi aktrisalar buning isboti.

Kamini Kamushal — 93 yosh

Foto: “Yandeks Dzen”

Aktrisa bir vaqtlar jiyani uchun o‘z orzularidan voz kechgan. U opasining o‘limidan keyin farzandi yetim ona qo‘lida o‘smasligi uchun pochchasiga turmushga chiqqan. Kamini nafaqat ijrosi, balki inson sifatida ham e’tirofga loyiq. Aktrisa 2021-yilning yanvarida 94 yoshni qarshilashiga qaramay, hali hamon latofat va istara uni tark etmagan.

Sulochana Latkar — 92 yosh

Foto: “Yandeks Dzen”

Hind kinosining eng sevimli onalaridan biri hisoblangan aktrisa mazkur yozda 93 yoshni qarshiladi. Sulochana nabiralarning buvasi ekanligiga qaramay ko‘zlari hali ham yoshligidagi singari porlab turadi.

Kalpana Kartik — 89 yosh

Foto: “Yandeks Dzen”

Dev Anandning rafiqasi, turmush o‘rtog‘ining vafotidan keyin o‘zini farzandlari va nabiralariga bag‘ishlagan. U yoshiga nisbatan kichik ko‘rinishga qaramaydi, ammo bu uning maftunkorligiga ta’sir o‘tkazmaydi.

Vijayantimala — 84 yosh

Foto: “Yandeks Dzen”

Bollivudni zabt etgan Vijayantimala nafaqat aktrisa balki xoreograf va raqqosa sifatida ham yaxshi ma’lum. U yoshligida juda ham go‘zal bo‘lgan. Hozir ham tabassumi o‘ziga yarashadi va ko‘zlari kulib turadi.

Mala Sinxa— 84 yosh

Foto: “Yandeks Dzen”

Mazkur nepallik madonna 1950-yillarda millionlab hind muxlislari qalbidan joy olgan. U yaqindagina 84 yoshni qarshiladi. Ammo ko‘rinishiga qarab hech kim uni 80 yoshdan katta demaydi.

Vahida Rexman — 82 yosh

Foto: “Yandeks Dzen”

Guru Dattning ilhom parisi bo‘lgan aktrisa bundan 55 yil avval debyut rol ijro qilgan. Zamon o‘zgargan, lekin Vahida hali ham betakrorligini yo‘qotmagan. 30 yoshida sochiga oq tushishni boshlaganiga qaramay, boshqalardan farqli ravishda sochlarini bo‘yamagan va o‘zini boricha qabul qilgan. Ayni vaqtda sochidagi oqlar o‘ziga yarashib turadi.

Xelen — 82 yil

Foto: “Yandeks Dzen”

Yaqindagina 82 yoshni qarshilagan aktrisa ommaga kam ko‘rinish berishiga qaramay, u ko‘rinish berishi muxlislar kayfiyatini ko‘taradi. Xelen parhez va kosmetologik muolajalarga qiziqmaydi va tabiiy ko‘rinishni abzal biladi.

Asha Parekx — 78 yosh

Foto: “Yandeks Dzen”

Mazku maqola 80 dan oshgan aktrisalar haqida bo‘lishiga qaramay, latofatli Ashuni mazkur ro‘yxatga kiritmay iloj yo‘q. Aktrisa 1950-yillarda debyut rolini ijro qilgan. Asha go‘zal qarish mumkin ekanligining isboti.

Izoh qoldirishdan avval, qoidalar bilan tanishib oling: http://dy.uz/QbkeZ