“Yandeks Dzen”ning “Bollivudning durdona asarlari” bo‘limida yozilishicha, Bollivud Gollivud bilan sifat borasida bo‘lmasa ham son jihatidan bellasha olishi mumkin. Mashhurlikda esa undan ortda qolmasligi, shubhasiz.
Bundan tashqari Bollivud filmining boshqa millat kinolaridan ajralib turadigan jihatlari bor:
- rang-barang liboslar;
- qo‘shiq va raqs;
- film davomiyligi ikki yarim soatni tashkil etadi.
Hindistonda raqs madaniyati boshqa millatlarga nisbatan muqaddas tushuncha hisoblanadi. Masalan, Bxaratanatyam, Katxak Kuchipudi va boshqa uslublarda qo‘lning har bir to‘lqini alohida ma’noni anglatadi. Butun voqea raqs orqali tomoshabinga yetkaziladi. Shuning uchun ushbu san’at turi kino san’atiga sujetni ochib berishda yordamchi mexanizm sifatida qo‘shilgan.
Bu esa keyinchalik filmlarning eng muhim jihatiga aylanib qoldi. O‘tgan asrning boshlarida kino estetik zavq ulashishga o‘tdi. Endilikda tomoshabinlar hayot tashvishlari va haqiqatdan qochib, ma’lum soatga o‘zlarini ertakda his qilishga odatlandi.
Sal kam uch soatlik voqeada muhabbat chizig‘i, hazil, qonli janjal va 2-3 dona qo‘shiq uyg‘unlashdi. Bu orqali barcha his-tuyg‘ularni tomoshabin birgina film orqali boshdan kechiradi.
Bugungi kunda hind filmlarini qo‘shiq va raqsdan ajratib bo‘lmaydi. Yosh rejissorlar filmlarni Yevropa uslubida suratga olishga harakat qilmoqda, ammo shu paytgacha ular tomoshabinlar uchun ma’qul keladigan variantini topa olmadi.
Shuningdek, film tarkibidagi qo‘shiq va raqs qahramonlarning boshqa qirralarini ochishga yordam beradi. Bundan tashqari radio, televideniye va internet tarmog‘ida film saundtreklari namoyish etiladi. Bu ham qo‘shiqchilar, ham kino ijodkorlar uchun foydalidir.