Futbol bo‘yicha Coca-Cola Superliga 24-turida “Qizilqum” 24-noyabr, seshanba kuni o‘z maydonida “Metallurg” bilan bahs yuritdi.
Foto: PFL
Uchrashuvning 35-daqiqasida Oybek Qilichev penaltini golga aylantirgan holda mezbonlarni oldinga olib chiqdi. Mazkur hisob o‘yin yakuniga qadar saqlanib qoldi.
Bu g‘alabadan keyin Hamidjon Aktamov shogirdlarining ochkolari 23 taga yetdi va jamoa 11-o‘rinda bormoqda. “Metallurg” (33) esa 8-o‘rinda qoldi.
Keyingi turda “Qizilqum” safarda “So‘g‘diyona” bilan bahs yuritsa, “Metallurg” jamoasi “Surxon”ni qabul qiladi.
Coca-Cola Superliga
24-tur bahsi
24-noyabr, seshanba
“Qizilqum” — “Metallurg” 1:0
Gol: 1:0 – 35, penalti Qilichev.
“Qizilqum”: Ignatiy Nesterov, Erkin Baydullayev, Oybek Qilichev (Ibrohim Tomiva, 84), Ruslan Margiyev, Alisher Sanoyev (Jamshid Hasanov, 63), 14.Fayzullo Qambarov (Jasur Azimov, 46), Vohid Shodiyev, Salim Mustafoyev, Muhsinjon Ubaydullayev, Sherali Jo‘rayev, Oleg Tolmasov.
“Metallurg”: Akmal Tursunboyev, Abbos Otaxonov, Salamat Qutiboyev, Abrorbek Toshqo‘ziyev, Zohid Abdullayev (Shahzod Ubaydullayev, 67), Kamoliddin Tojiyev, Abdurahmon Abdulhaqov, Ixtiyor Toshpo‘latov, Stanislav Andreyev, Muhammad Isayev (Murodbek Bobojonov, 80), Yevgeniy Chumak.
Ogohlantirishlar: Abdullayev (27), Qilichev (44), Tojiyev (68), Baydullayev (75).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
