Futbol bo‘yicha Coca-Cola Superliga 24-turida OKMK 24-noyabr, seshanba kuni o‘z uyida “Andijon” bilan bahs yuritdi.
Uchrashuvning 24-daqiqasida Bahrom Abdurahimov olmaliqliklarni oldinga olib chiqqan bo‘lsa, oradan ikki daqiqa o‘tib Bobur Yo‘ldoshev hisobni 2:0 ko‘rinishiga keltirdi.
Birinchi bo‘lim yakunlanishi arafasida Mate Vatsadze mezbonlarning uchinchi golini urdi. Tanaffusdan keyin Mirjalol Qosimov shogirdlari yana bir marta andijonliklar darvozasi tomon yo‘l topdi. 67-daqiqada Yo‘ldoshev yakuniy hisobni o‘rnatdi — 4:0.
Ushbu g‘alabadan keyin OKMK ochkolarini 45 taga yetkazib olgan holda uchinchi o‘rinda bormoqda. “Andijon” (16) 12-pog‘onada qoldi.
Coca-Cola Superliga
24-tur bahsi
24-noyabr, seshanba
OKMK — “Andijon” 4:0
Gollar: 1:0 – 24 Abdurahimov, 2:0 – 26 Yo‘ldoshev, 3:0 – 42 Vatsadze, 4:0 – 67 Yo‘ldoshev.OKMK: Valijon Rahimov, Akmal Shorahmedov (Mirg‘iyos Sulaymonov 73), Sardor Rahmonov (Dilshod Jo‘rayev 83), Elguja Grigalashvili ( Arslanmurat Amanov 73), Murod Toshmatov, Sanjar Tursunov, Bahrom Abdurahimov (Mirjamol Qosimov 73), Mate Vatsadze (Zafar Polvonov 83), Yovan Jokich, Boburbek Yuldashev, Husniddin G‘ofurov.
“Andijon”: Eldor Adhamov, Azamat Isroilov, Farhod Mirahmatov, Xushnud Avilov (Qahramon Bahodirov 70), Baxtiyor Qosimov, Farhod Bekmuratov, Abdullo Olimov, Usmonali Ismonaliyev, Muhammadali Yuldashev (Farhod Sohibjonov 56), Doniyor Abdumannopov, Shahboz Jumaboyev (Siroj Meliyev 56)
Ogohlantirishlar: Rahmonov (48), Isroilov (83), Toshmatov (83).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)