Hashamatli Mercedes S-Class taqdim etildi (foto)

Mercedes-Benz kompaniyasi S-Class Maybach sedanining yangi avlodini taqdim etdi, deb xabar beradi “Quto.ru”.

Markaning flagman modeli o‘zidan oldingi ajdodidan 180 millimetrga uzunroq: endilikda uning uzunligi 5469 millimetrni, g‘ildiraklar bazasi 3396 millimetrni tashkil etadi. Eng qimmat versiyani “kichkina”lardan bamper va radiator panjarasining uzunligi, 19-21 dyuymli original g‘ildirak diskalari, uzunroq orqa eshigi va orqa tomonidagi yoritiladigan emblemalari orqali farqlab olish mumkin.

Yangi model 503 ot kuchi va 700 Nm aylanuvchi momentga ega to‘rt litrli V8 “yumshoq gibridi” va qisqa vaqt ichida quvvatni 22 ot kuchiga (250 Nm) oshiruvchi EQ Boost “startyor-generatori” yordamida harakatga keladi. U o‘n pog‘onali avtomat uzatmalar qutisi va to‘liq uzatmalar tizimi yordamida boshqariladi. Limuzinning maksimal tezligi 210 km/soatga yetadi.

Oddiy S-Class opsiyalari bilan birga model to‘liq boshqariluvchi shassi, salonining ichida beshta monitor, qo‘shimcha reallik texnologiyasiga ega proyeksion displey, ovozli yordamchi, orqa o‘rindiqdagi yo‘lovchilar uchun xavfsizlik yostiqchasi kabi qo‘shimga opsiyalarga ega bo‘lgan.

Ishlab chiqaruvchi Mercedes-Maybach S-Class’ning asosiy raqibi sifatida Bentley Flying Spur va Rolls-Royce Ghost Extended’ni ko‘rsatmoqda.